Bjarni Bene­dikts­son, for­maður Sjálf­stæð­is­flokks­ins og fjár­mála­ráð­herra, segir að Ill­ugi Gunn­ars­son, mennta- og menn­inga­mála­ráð­herra, hafi hvergi farið út fyrir „eðli­leg mörk“ með heim­sókn sinni til Kína, en með honum í föru­neyti voru meðal ann­ars full­trúar frá Orku Energy. Þetta kemur fram í frétt RÚV.

Haukur Harð­ar­son, stjórn­ar­for­maður Orku Energy, keypti íbúð af Ill­uga, þegar hann var í fjár­hags­vanda eftir hrun­ið, og leigir Ill­ugi nú íbúð­ina af hon­um. Ill­ugi hefur lýst Hauki sem nánum vini sínum og um vina­greiða hafi verið að ræða.

Ill­ugi hefur sjálfur algjör­lega þver­tekið fyrir að hafa gengið of langt í því, að tala máli Orku Energy, í ljósi þeirra fjár­hags­legu tengsla sem hann hafði við fyr­ir­tæk­ið, en segir það hafa verið mis­tök að upp­lýsa ekki um söl­una á íbúð­inni fyrr.

„Ég tel alveg aug­ljóst að hann [Illugi] hafi hvergi farið út fyrir það sem eðli­legt er í því að koma fyr­ir­tæk­inu á fram­færi eða neitt slíkt í þess­ari heim­sókn sinni til Kína. Það er aðal­at­riði þessa máls,“ sagði Bjarni í við­tali við RÚV.