Íslenska tölvu­leikja­fyr­ir­tækið CCP hætti í dag að greiða starfs­mönnum sínum á Íslandi laun í evrum eins og verið hefur und­an­farin ár. Laun sem starfs­fólk fékk í dag voru í krón­um.

CCP stað­festir þetta í svari við fyr­ir­spurn Kjarn­ans um málið en svar­aði fyr­ir­spurn­inni ekki að öðru leyti vegna þess að fyr­ir­tækið ræði ekki um launa­mál starfs­manna í fjöl­miðl­um.

Það vakti athygli þegar CCP ákvað að bjóða starfs­fólki upp á laun í evr­um, en starfs­mönnum fyr­ir­tæk­is­ins á Íslandi bauðst frá og með 1. jan­úar 2009 að fá greidd laun í evr­um. Frá þessu var greint í Morg­un­blað­inu þann 30. des­em­ber 2008 og þá sagði Hilmar Veigar Pét­urs­son, for­stjóri fyr­ir­tæk­is­ins, að tvennt lægi að baki þeirri ákvörð­un. „Ann­ars vegar erum við ­með fjölda erlendra starfs­manna hér á landi og sumir þeirra eru með skuld­bind­ingar í öðrum gjald­miðl­u­m.“ Óvissan sem þá ríkti í geng­is­málum hefði verið þessu fólki erf­ið. „Hins vegar hafa sveiflur á gengi krón­unnar kom­ið illa við fyr­ir­tæk­ið, því erfitt er að gera áætl­anir fram í tím­ann þegar gengið sveifl­ast öfganna á milli á skömmum tíma. Nær allar okkar tekjur eru í erlendri mynt og tak­ist okkur að auka hlut­fall erlendra gjald­miðla í útgjöldum náum við meira jafn­vægi í rekstr­ar­reikn­ingi okk­ar.“

Í umfjöllun í Frétta­blað­inu í apríl 2009 sagði Hilmar Veigar svo að fyr­ir­tækið væri með marga sér­fræð­inga í vinnu, bæði inn­lenda og erlenda. „Við lítum svo á að það sé ekki rétt­læt­an­legt annað en borga þeim laun sem eru sam­keppn­is­hæf á alþjóða­vís­u.“

Segja stærsta fram­taks­sjóð heims­ins vilja eign­ast CCP

Greint er frá því í Við­skipta­blað­inu í dag að stærsti fram­taks­sjóður í heimi, New Enter­prise Associ­ates, og Novator, félag Björg­ólfs Thors Björg­ólfs­son­ar, hafi verið á hött­unum eftir hluta­bréfum í fyr­ir­tæk­inu. Við­skipta­blaðið segir að boðið hafi verið allt að 2.500 krónur á hlut. NP ehf, sem er í eigu Novator, á nú um 43% hlut í fyr­ir­tæk­inu, en átti 29,74% um síð­ustu ára­mót. Fyr­ir­tækið er því orðið stærsti ein­staki hlut­haf­inn í CCP.

New Enter­prise Associ­ates er banda­rískur sjóður sem á eignir sem eru metnar á átján millj­arða Banda­ríkja­dala. Við­skipta­blaðið hefur heim­ildir fyrir því að sjóð­ur­inn hafi nú þegar eign­ast 10% eign­ar­hlut í fyr­ir­tæk­inu.

CCP tap­aði meira en 87 millj­ónum dala síð­ustu tvö ár.