Íslenska fyr­ir­tækið Credit­Info Group hefur und­ir­ritað samn­ing um kaup á upp­lýs­inga­fyr­ir­tæk­inu Exper­ian Marocco. Fyr­ir­tækið er stað­sett í Casa­blanca í Marokkó og nemur heild­ar­fjár­fest­ing um 500 millj­ónum króna. Selj­and­inn er félagið Exper­ian plc., eitt stærsta fyr­ir­tæki í heimi á sviði fjár­mála­upp­lýs­inga, að því er kemur fram í frétta­til­kynn­ingu frá Credit­In­fo.

Credit­Info miðlar fjár­hags- og við­skipta­upp­lýs­ingum og star­frekur meðal ann­ars fjöl­miðla­vakt og skulda­stöðu­kerfi. Fyr­ir­tækið er með skrif­stofur í tutt­ugu löndum og hefur þeim fjölgað um fimm á þessu ári. Höf­uð­stöðv­arnar eru í Reykja­vík og starfs­menn eru um 300 tals­ins.

Í til­kynn­ingu frá félag­inu segir Krist­inn Agn­ars­son, fram­kvæmda­stjóri nýrra mark­aða, að mark­mið félags­ins sé að auka umsvifin í Afr­íku. „Þess vegna er það sér­stakt ánægju­efni fyrir félagið að eign­ast starf­semi í marokkó. Bæði vegna þess mark­aðar og vegna þess að þaðan er gott að þjón­usta Vest­ur­-Afr­íku. Við erum þegar með skrif­stofur í fjórum löndum á því svæð­i,“ segir hann.

Reynir Grét­ars­son, for­stjóri og stærsti hlut­hafi í Credit­info Group, segir þetta passa vel við stefnu fyr­ir­tæk­is­ins til lengri tíma: „Þetta er akkúrat sá mark­aður sem við viljum vera á og hentar okkar starf­semi. Við viljum sér­hæfa okkur og helst þannig að keppi­naut­arnir vilji ekki vera á sama stað og við. Við stefnum enn á að vera í 50 löndum árið 2020 og erum á áætl­un,“ segir Reyn­ir.