Dagný Jóns­dóttir hefur verið ráðin aðstoð­ar­maður rík­is­stjórn­ar­innar um sam­hæf­ingu mála, líkt og það er orðað í til­kynn­ingu frá stjórn­ar­ráð­inu. Þá mun Henný Hinz áfram gegna stöðu aðstoð­ar­manns rík­is­stjórn­ar­innar á sviði vinnu­mark­aðs-, efna­hags- og lofts­lags­mála.

Í til­kynn­ingu stjórn­valda segir að Dagný muni vinna að því að „sam­hæfa stefnu og aðgerðir í mála­flokkum sem heyra undir fleiri en eitt ráðu­neyti. Meðal umfangs­mik­illa áherslu­mála rík­is­stjórn­ar­innar sem snerta mál­efna­svið flestra ráðu­neyta eru sjálf­bærni, rétt­lát umskipti og aukin sam­keppn­is­hæfn­i“.

Dagný er með BA-­próf í íslensku frá Háskóla Íslands en hún hefur síð­ast­liðin fjögur ár starfað sem sér­fræð­ingur á upp­lýs­inga- og kynn­ing­ar­sviði Kenn­ara­sam­bands Íslands. Áður starf­aði Dagný m.a. sem verk­efn­is­stjóri á kynn­ing­ar- og mark­aðs­sviði Eim­skips og sér­fræð­ingur í mark­aðs­deild Arion banka. Þá var hún þing­maður Fram­sókn­ar­flokks­ins á árunum 2003-2007.

Henný Hinz hefur gegnt stöðu aðstoð­ar­manns rík­is­stjórn­ar­innar á sviði vinnu­mark­aðs-, efna­hags- og lofts­lags­mála frá haustinu 2020. Áður starf­aði Henný, sem er hag­fræð­ingur frá Háskóla Íslands, hjá Alþýðu­sam­bandi Íslands, þar af sem deild­ar­stjóri hag­deildar frá 2016.

Berg­þóra Bene­dikts­dóttir og Lára Björg Björns­dóttir eru aðstoð­ar­menn for­sæt­is­ráð­herra.