Aðeins ell­efu pró­sent telja að rík­is­sjóður eigi að fjár­magna Bænda­sam­tökin að mestu eða öllu leyti. 71 pró­sent telja að ríkið eigi að litlu eða engu leyti að fjár­magna Bænda­sam­tök­in, 18 pró­sent telja að ríkið ætti að fjár­magna um það bil helm­ing starf­sem­inn­ar.

Þetta kemur fram í nið­ur­stöðum nýrrar könn­unar sem Við­skipta­ráð lét gera á við­horfi almenn­ings til fjár­mögn­unar stofn­ana og emb­ætta á Íslandi.

Tals­verður munur er á svör­unum eftir því hvaða stjórn­mála­flokk við­kom­andi seg­ist myndu kjósa í dag. Stuðn­ings­menn Fram­sókn­ar­flokks­ins voru lík­legri en aðrir til að vilja að ríkið fjár­magni Bænda­sam­tökin að miklu eða öllu leyti, eða 21,3 pró­sent. 14,2 pró­sent kjós­enda Bjartrar fram­tíðar sögð­ust vilja að ríkið fjár­magn­aði sam­tök­in, og 10 pró­sent kjós­enda Sjálf­stæð­is­flokks­ins.

2,9 pró­sent kjós­enda Pírata vilja að ríkið fjár­magni Bænda­sam­tök­in, 4,5 pró­sent kjós­enda Sam­fylk­ing­ar­innar og 7,3 pró­sent kjós­enda VG.

Meiri­hluti á móti fjár­mögnun Þjóð­kirkju og Íslands­pósts

55,6 pró­sent telja að ríkið eigi ýmist ekki eða að mjög litlu leyti að fjár­magna Þjóð­kirkj­una. 17 pró­sent aðspurðra segja að ríkið eigi að fjár­magna kirkj­una til helm­inga en 27,4 pró­sent telja að Þjóð­kirkjan eigi að miklu eða öllu leyti að vera fjár­mögnuð af rík­is­sjóði. Mik­ill munur var á svörum eftir aldri, en þeir yngri eru síður hlynntir rík­is­fjár­mögnun kirkj­unnar en þeir eldri.

61,4 pró­sent aðspurðra eru á þeirri skoðun að ríkið eig­i að fjár­magna Íslands­póst að litlu eða engu leyti. 20,9 pró­sent telja að ríkið eigi að fjár­magna fyr­ir­tækið að mestu eða öllu leyti og 17,7 pró­sent telja að ríkið eigi að fjár­magna um helm­ing.

38,5 pró­sent aðspurðra í könn­un­inni segja að þeim finn­ist að ríkið eigi að fjár­magna Íbúða­lána­sjóð að öllu eða miklu leyti. 20,5 pró­sent telur að Íbúða­lána­sjóður eigi að vera fjár­magn­aður til helm­ings af rík­inu en 41 pró­sent vilja að ríkið hafi litla eða enga aðkomu að fjár­mögnun sjóðs­ins. Kjós­endur Sjálf­stæð­is­flokks­ins og Pírata eru síst hlynntir því að ríkið fjár­magni sjóð­inn, en kjós­endur Vinstri grænna telja fremur en aðrir að ríkið eigi að fjár­magna hann.

46% vilja fjár­magna björg­un­ar­sveitir

Þá var einnig spurt um fjár­mögnun björg­un­ar­sveita og Rauða kross­ins. 46 pró­sent aðspurðra segj­ast telja að ríkið eigi að fjár­magna björg­un­ar­sveit­anna að öllu eða miklu leyti. 35 pró­sent vilja að ríkið fjár­magni þær um helm­ing og 19 pró­sent vilja enga eða litla fjár­mögnun frá rík­inu.

Skoð­anir voru einnig skiptar þegar kom að fjár­mögnun Rauða kross­ins, en 26,2 pró­sent vilja að ríkið fjár­magni starf­semi hans að öllu eða miklu leyti. 36,9 pró­sent aðspurðra vilja að ríkið fjár­magni starf­sem­ina til helm­inga og 36,9 pró­sent vilja að ríkið komi að litlu eða engu leyti að fjár­mögn­un­inni.

Sjá má könn­un­ina í heild sinni hér. Úr­takið í könn­un­inni var rúm­lega 800 manns.