Kamran Keiv­an­lou, sem á helmn­ings­hlut í einka­hluta­fé­lag­inu 101 Aust­ur­stræti, sem er rekstr­ar­að­ili og leyf­is­hafi skemmti­stað­ar­ins Aust­ur, krefst þess að korta­fyr­ir­tækið Borgun hætti við­skiptum við félagið Aust­ur­stræti 5, þar sem núver­andi rekstur skemmti­stað­ar­ins sé ekki í sam­ræmi við útgefið rekstr­ar­leyfi.

Eins og Kjarn­inn hefur greint ítar­lega frá standa yfir miklar deilur á milli tveggja eig­enda­hópa 101 Aust­ur­strætis ehf., ann­ars vegar félags­ins Alfacom Tra­d­ing, sem er í eigu áður­nefnds Kamran Keiv­an­lou, og fjöl­miðla- og athafna­manns­ins Ásgeirs Kol­beins­sonar og félags í eigu Styrmis Þór Braga­sonar hins veg­ar.

Austur logar í ill­deilum

Ás­geir og Styrmir hafa stefnt Alfacom vegna van­efnda á samn­ingi um kaup á 101 Aust­ur­stræti, og félagið hefur set fram gagn­stefnu þar sem kraf­ist er rift­unar á kaupssamn­ingi. Þá hefur Kamran Keiv­an­lou kært Ásgeir Kol­beins­son og fjár­mála­stjóra skemmti­stað­ar­ins til lög­reglu og sér­staks sak­sókn­ara fyrir fjár­drátt og önnuf meint fjár­mála­mis­ferli. Ásgeir hefur sömu­leiðis kært Kamran fyrir hót­anir í sinn garð og fjöl­skyldu sinn­ar. Hljóð­upp­taka af meintum hót­unum hefur verið afhent lög­reglu, en Kamran vísar ásök­unum á bug og neitar að hann sé á upp­tök­unni.

Deilur eig­end­anna urðu til þess að Íslands­banki sagði upp banka­við­skiptum við 101 Aust­ur­stræti og þá sagði Borgun sömu­leiðis upp þjón­ustu­samn­ingi við félag­ið. Félagið Aust­ur­stræti 5 hefur hins vegar gert sam­ing við korta­fyr­ir­tækið og tekur við greiðslum vegna rekst­urs Aust­urs.

Sýslu­maður veitti við­vörun

Sýslu­mað­ur­inn í Reykja­vík veitti for­svars­mönnum Aust­urs við­vörun í síð­ustu viku, þar sem félagið Aust­ur­stræti 5 hafi ekki til­skylin leyfi fyrir rekstri skemmti­stað­ar­ins. Í bréfi Alfacoms til Borg­unar er vísað í form­legt bréf frá sýslu­manni þessa efn­is. For­svars­maður Alfacom hefur kraf­ist þess að lög­regla loki skemmti­staðn­um, á meðan deilur um kaup­samn­ing og meint lög­brot standa yfir.

Í svari Borg­unar við kröfu Alfacom þann 4. febr­úar síð­ast­lið­inn taldi korta­fyr­ir­tækið sig ekki geta orðið við kröfu félags­ins, og vís­aði meðal ann­ars til þess að ekki lægju fyrir nægj­an­leg gögn til stuðn­ings kröfu­gerð­inni.

 

Alfacom ítrek­aði kröfu sína við Borgun bréfleiðis á föstu­dag­inn, og hefur sent Fjár­mála­eft­ir­lit­inu erindi vegna máls­ins.