Fjár­fest­inga­fé­lagið Eyrir Invest, Arle og með­fjár­festar hafa gengið frá sam­komu­lagi um sölu á fyr­ir­tæk­inu Fokker Technologies til bresku iðn­að­ar­sam­steypunnar GKN plc. Sölu­verð er 706 millj­ónir evra, að því er fram kemur í frétta­til­kynn­ingu frá Eyri. Upp­hæðin er jafn­virði um 105 millj­arða króna. Á vef­síðu Eyris kemur fram að félagið átti 17 pró­sent hlut í Fokker fyrir söl­una.

„Það er ánægju­legt að ljúka vel heppn­aðri sölu á Fokker á þessum tíma­punkt­i“, segir Örn Valdi­mars­son, fram­kvæmda­stjóri eigna hjá Eyrir Invest, í til­kynn­ingu. „Rekstur Fokker hefur gengið vel að und­an­förnu og fram­tíð­ar­horfur eru góð­ar. Stjórn­endur og fjár­festar hafa aldrei misst sjónar á lang­tíma­mark­miðum sínum fyrir félagið og þeim mögu­leikum sem í því fólust. Með sölu til GKN náum við okkar helstu mark­miðum og við erum því afar sátt við árang­ur­inn auk þess sem við teljum að salan nú sé mjög jákvæð fyrir félag­ið, hlut­hafa, starfs­menn og við­skipta­vin­i.“ ­Á­ætlað er að salan á Fokker verði form­lega að fullu frá­gengin eigi síðar en á fjórða árs­fjórð­ungi að upp­fylltum skil­yrðum um upp­lýs­inga­gjöf til hags­muna­sam­taka starfs­manna og verka­lýðs­fé­laga í Hollandi, og veittum heim­ildum frá stjórn­völdum í Banda­ríkj­unum og Evr­ópu­sam­band­inu.

Fokker er sér­hæfður und­ir­verk­taki á sviði flug­véla­fram­leiðslu. Fokker hann­ar, þróar og fram­leiðir íhluti, raf­kerfi og lend­ing­ar­búnað fyrir marga af helstu flug­véla­fram­leið­endum heims. Hjá fyr­ir­tæk­inu starfa nærri 5000 manns, höf­uð­stöðvar Fokker eru í Hollandi en félagið rekur verk­smiðjur og starfs­stöðvar í Evr­ópu, Norð­ur­-Am­er­íku og Asíu. Velta Fokker árið 2014 nam 758 millj­ónum evra, að því er fram kemur í sölu­til­kynn­ing­unni.

Um Eyri segir í til­kynn­ing­unni að það sé alþjóð­legt fjár­fest­ing­ar­fé­lag sem leggi ríka áherslu á virka þátt­töku í rekstri og stefnu­mörkun lyki­l­eigna sinna. Kjöl­festu­eignir Eyris eru 29% hlutur í Marel og 17% hlutur í London Acquisition sem á og rekur iðn­fyr­ir­tækin Stork Technical Services og Fokker Technologies. Þá rekur Eyrir Invest sprota­sjóð­inn Eyrir Sprotar slhf. sem fjár­festir í spenn­andi sprota­fyr­ir­tækjum og styður þau til vaxt­ar.