Skóla­árið 2012-2013 braut­skráð­ust færri nem­endur úr skólum á Íslandi en árið á und­an, bæði á fram­halds- og háskóla­stigi. Braut­skráðum háskóla­nemum fækk­aði um 78, eða um 1,9 pró­sent frá fyrra ári og er þetta annað árið í röð sem braut­skráðum háskóla­nemum fækk­ar. Á fram­halds­skóla­stigi fækk­aði braut­skráðum nem­endum um 238 frá fyrra ári, eða 3,9 pró­sent.

Þetta kemur fram á vef Hag­stof­unnar í dag. Alls útskrif­að­ist 4.0001 nem­andi af háskóla­stigi skóla­árið 2012-2013, þar af nærri 2.600 vegna fyrstu háskóla­gráðu. Braut­skráðum dokt­orum fjölg­aði og hafa aldrei verið fleiri, eða 56. Þar af voru 15 erlendir rík­is­borg­ar­ar.

Braut­skráðir af fram­halds­skóla­stigi þetta skólaár voru 5.907 tals­ins. Stúd­entum fækk­aði um 136 milli ára en árið á und­an, 2011-2012, var metár í fjölda stúd­enta. 

Þá kemur fram í frétt Hag­stof­unnar að fleiri braut­skráð­ust með sveins­próf en færri með iðn­meist­ara­próf. Alls voru 548 braut­skrán­ingar með sveins­próf skóla­árið 2012-2013, 30 fleiri en árið áður, Karlar voru 78,8 pró­sent þeirra sem luku sveins­prófi. Með­al­aldur við töku sveins­prófs var 29 ár en tíð­asti aldur 22 ár. Braut­skrán­ingar með iðn­meist­ara­próf voru 199, 14 færri en árið á und­an. Karlar voru 70,9 pró­sent iðn­meist­ara og var með­al­aldur útskrif­aðra iðn­meist­ara 35 ár.

Frétt Hag­stof­unnar.