Fimm lét­ust í Würen­lingen í Sviss í gær þegar 36 ára gam­all Sviss­lend­ingur skaut for­eldra sína, bróð­ur, nágranna þeirra og loks sjálfan sig. Lög­reglan þekkti til byssu­manns­ins sem var giftur og átti þrjú börn. Hann skaut fólk­ið, og sjálfan sig, með skamm­byssu. Þetta kom fram á blaða­manna­fundi með lög­regl­unni í kantón­unni Aargau, en Würen­lingen til­heyrir henni, fyrir skemmstu. Ástæða morð­anna er talin vera fjöl­skyldu­erj­ur.

Kjarn­inn greindi frá skotárásinni í morg­un.

Um 4.500 manns búa í litla bænum Würen­lin­gen, sem er skammt frá Zurich. ­Mað­ur­inn skaut fyrst for­eldra sína, sem voru 57 og 58 ára gaml­ir, og síðan 32 ára gamlan bróður sinn á heim­ili þeirra. Hann skaut síðan 46 ára gamlan nágranna þeirra áður en hann tók eigin líf.

Hverfið þar sem morðin voru framin þykir fjöl­skyldu­vænt hverfi. Nágranni, sem sviss­neska dag­blaðið Blick ræddi við, sagð­ist hafa heyrt fjórum skotum hleypt af á mjög skömmum tíma, og svo tveimur í við­bót stutt seinna. Vitnið sagð­ist ekki hafa heyrt nein öskur frá fórn­ar­lömbunum sam­kvæmt Blick.

htt­p://www.­news.com.au/vid­eo­/id-Fr­MjMwd­ToUott8CHWI­lea­peion­H-wtvM/­Sever­al-peop­le-k­illed-in-Swis­s-s­hoot­ing

Þetta er ekki í fyrsta sinn sem skotárás er framin í Würen­lingen . Árið 1985 skaut Alfredo Lardelli eig­in­mann fyrrum elsku­huga síns og tvær vænd­is­kon­ur. Sá verkn­aður átti sér stað um 100 metrum frá voða­verkum gær­dags­ins. Lardelli hlaut 20 ára fang­els­is­dóm. Eftir að honum var sleppt úr fang­elsi hefur hann starfað við fjöl­miðla.