Eyþór Björns­son Fiski­stofu­stjóri segir að vís­bend­ingar séu um að stofn­unin sé byrjuð að lið­ast í sundur vegna langvar­andi óvissu­á­stands um fram­tíð stofn­un­ar­inn­ar. Þetta kemur fram í Morg­un­blað­inu í dag.

Eins og fram hefur komið í fréttum verður Fiski­stofa ekki flutt norður til Akur­eyrar á þessu ári eins og til stóð. Í sam­tali við Morg­un­blaðið segir Eyþór að ákvörðun Sig­urðar Inga Jóhanns­son­ar, sjáv­ar­út­vegs- og land­bún­að­ar­ráð­herra, að fresta flutn­ingi stofn­un­ar­innar ekki hafa komið á óvart.

„Það sem kom mér hins vegar gjör­sam­lega í opna skjöldu og veru­lega á óvart voru þau orð ráð­herr­ans, að hann legði ekk­ert höf­uð­kapp á að koma frum­varp­inu um flutn­ing á Fiski­stofu í gegn á yfir­stand­andi þing­i,“ segir Eyþór í sam­tali við Morg­un­blað­ið.

Eyþór segir að sér lít­ist illa á að ekki sé stefnt á að koma frum­varp­inu í gegn á yfir­stand­andi þing­i. „Á­stæðan fyrir því er sú að við þolum ekki þessa óvissu leng­ur. Það er ann­að­hvort að hætta við flutn­ing­inn eða taka skrefið og klára það að taka ákvörð­un. Við erum búin að vera í helj­ar­g­reipum óvissunnar frá því í júní í fyrra. Við höfum ekki getað ráðið í allar stöður sem hafa losnað og verið í enda­lausum redd­ing­um, þegar fólk hefur hætt, til þess að setja undir lek­ana og bjarga okkur tíma­bund­ið, af því að við höfum alltaf verið að bíða eftir nið­ur­stöð­u,“ er haft eftir Eyþóri í frétt Morg­un­blaðs­ins.

Fiski­stofu­stjóri segir að ítrekað hafi verið full­yrt í sín eyru að ekki yrði hvikað frá áformum um flutn­ing stofn­un­ar­innar til Akur­eyr­ar. „Mér var talin trú um það fram í des­em­ber­mánuð í fyrra að lög yrðu sett fyrir ára­mót og ákvörðun tek­in. Bæði fram að því og síðan hef ég ítrekað vakið athygli á því að það séu blikur á lofti. Það hringja hér við­vör­un­ar­bjöllur um alla stofn­un, vegna þess að við erum að missa út fólk. Það eru ákveðnar vís­bend­ingar um það að stofn­unin sé að byrja að lið­ast í sundur vegna þessa lang­dregna óvissu­á­stands. [...] Það er ekki hægt að bíða leng­ur. Ef menn ætla að bíða með laga­setn­ingu fram á haust­þing og setja lög fyrir ára­mót, þá verður þessi stofnun farin á hlið­ina,“ segir Eyþór Björns­son í sam­tali við Morg­un­blað­ið.