Fjár­mála­eft­ir­litið (FME) segir ekk­ert benda til þess að þau gögn sem Víglundur Þor­steins­son sendi á fjöl­miðla og þing­menn síð­ast­liðin fimmtu­dag hafi lekið frá stofn­un­inni. „Fyrir liggur að þessi gögn voru til á fleiri stöðum en í Fjár­mála­eft­ir­lit­in­u,“ segir í svari FME við fyr­ir­spurn Kjarn­ans.

Á meðal þeirra gagna sem Víglundur sendi vor­u bráða­birgða­reikn­ings­yf­ir­lit frá end­ur­skoð­un­ar­fyr­ir­tækjum þremur sem FME sendi inn á bank­ana til að fá yfir­lit yfir stöðu þeirra. Í þeim kemur meðal ann­ars fram hversu mikið af lánum ýmissa nafn­greindra fyr­ir­tækja voru afskrif­aðar þar sem þau þóttu ekki inn­heimt­an­leg. Í bréfi sem Víglundur sendi Ein­ari K. Guð­finns­syni, for­seta Alþing­is, sagði hann að það hefði atvikast svo að „ókunnur aðili sem ég hef nefnt hinn „nýja litla síma­mann“ sendi mér alla stofnúr­skurði FME um nýju bankana“.

Kjarn­inn fjall­aði ítar­lega um ásak­anir Víg­lundar í síð­ustu viku.

Engin getur rann­sakað nema FME

Kjarn­inn beindi fyr­ir­spurn til FME um málið og spurði hvort verið væri að rann­saka lek­ann? Í svari FME kemur fram að stofn­unin gefi almennt ekki svör við spurn­ingum um mál sem eru, eða kunni að vera, til með­ferðar hjá henni. „En ljóst er að ef um er að ræða brot gegn  58. gr. laga nr. 161/2002, getur eng­inn annar en FME staðið að frum­rann­sókn og kæru til lög­reglu, sbr. 112. gr. í lög­un­um“. Sú grein snýr að banka­leynd.

Í svari FME segir einni að stofn­un­inni sé ekki kunn­ugt um að gögnin sem Víglundur sendi hafi lekið frá henni né bendi nokkuð til þess að svo hafi ver­ið. „Fyrir liggur að þessi gögn voru til á fleiri stöðum en Fjár­mála­eft­ir­lit­in­u,“ segir í svar­inu.

Hafa gefið í skyn að birt­ing brjóti gegn lögum

FME hefur ítrekað látið í það skína á und­an­förnum árum að stofn­unin telji að birt­ing slíkra gagna brjóti í bága við lög um banka­leynd. Í ágúst 2013 krafð­ist FME til að mynda að Kjarn­inn myndi fjar­lægja skýrslu PwC um mál­efni Spari­sjóðs­ins í Kefla­vík af vef sínum og vitn­aði m.a. í lög um banka­leynd. Auk þess gaf FME í skyn að birt­ing skýrsl­unnar gæti varðað við almenn hegn­ing­ar­lög.

Kjarn­inn hafn­aði beiðni FME með þeim rökum að upp­lýs­ing­arnar ættu erindi við almenn­ing. FME aðhafð­ist ekki frekar gagn­vart Kjarn­an­um. Skýrslan er enn aðgengi­leg á vef Kjarn­ans. Hana má lesa hér.