Í dag eru fjórar vikur síðan að aðal­með­ferð í stóra mark­aðs­mis­notk­un­ar­máli Kaup­þings lauk. Sam­kvæmt lögum skal dóm­ari birta dóm sinn innan fjög­urra vikna, en það hefur komið fyrir í stærri málum að það frest­ist. Verði dómur ekki kveðin upp innan átta vikna gæti hins vegar þurft að end­ur­flytja mál­ið.

Hólm­steinn Gauti Sig­urðs­son, sak­sókn­ari hjá sér­staks sak­sókn­ara, segir emb­ætt­inu ekki hafa borist nein til­kynn­ing frá hér­aðs­dómi um að dómur liggi fyr­ir.

Alls eru níu fyrrum starfs­menn Kaup­þings ákærðir í mál­inu. Þeirra á meðal eru Hreiðar Már Sig­urðs­son, fyrrum for­stjóri Kaup­þings, Magnús Guð­munds­son, fyrrum for­stjóri Kaup­þings í Lúx­em­borg, og Sig­urður Ein­ars­son, fyrrum starf­andi stjórn­ar­for­maður Kaup­þings. Ákærðu er gefið að sök að hafa ýmist komið í veg fyrir eða hægt á lækkun á verði hluta­bréfa í Kaup­þingi, frá hausti 2007 og fram að falli bank­ans haustið 2008, og aukið selj­an­leika þeirra með „kerf­is­bundn­um“ og „stór­felld­um“ kaup­um, eins og segir í ákæru, í krafti fjár­hags­legs styrks bank­ans.

Aðal­með­ferð máls­ins tók 130 klukku­stundir og stóð yfir í 22 daga. Málið er eitt stærsta mál sinnar teg­undar í Íslands­sög­unni.

Fleiri mál framundan

Þrír sak­born­ing­anna í mál­inu hafa þegar hlotið þunga dóma í Al Than­i-­mál­inu svo­kall­aða. Í því máli voru Sig­urður Ein­ars­son, Hreiðar Már Sig­urðs­son, Magnús Guð­munds­son og Ólafur Ólafs­son, sem átti tæp­lega tíu pró­sent hlut í Kaup­þingi fyrir fall hans, dæmdir sekir í Hæsta­rétti í febr­úar síð­ast­liðn­um. Hreiðar Már fékk fimm og hálfs árs fang­elsi, Sig­urður fjögur ár, Ólafur og Magn­ús ­fjögur og hálft ár. Þeir hafa allir hafið afplánun á dómum sín­um.

Þetta eru ekki einu málin sem menn­irnir hafa verið ákærðir í. Hreiðar Már, Magnús og Sig­urður eru einnig ákærðir í CLN-­mál­inu svo­kall­aða en þar er þeim gefið að sök að hafa mis­notað stöðu sína sem stjórn­endur bank­ans í lán­veit­ingum til nokk­urra félaga ­sem voru í eigu við­skipta­vina bank­ans. Lánin voru svo notuð til að kaupa skulda­trygg­ingar á Kaup­þing banka, eða svokölluð Credit Lin­ked Not­es, ­með það að mark­miði að lækka álagið og freista þess að opna fyrir fjár­veit­ingar til bank­ans á mark­aði.

Þriðja málið sem er fyrir dóm­stól­um, og bein­ist að Kaup­þings­stjórn­end­um, er Marp­le-­mál­ið svo­nefnda, en Hreiðar Már og Magnús eru ákærðir í því ásamt Guð­nýju Örnu Sveins­dótt­ur, fyrr­ver­andi fjár­mála­stjóra bank­ans, og Skúla Þor­valds­syni, fjár­festi og fyrr­ver­andi stórs hlut­hafa Kaup­þings. Ákært er fyrir fjár­drátt, þegar færðir vor­u átta millj­arðar króna úr sjóðum Kaup­þings til félags­ins Marp­le, sem var í eigu Skúla Þor­valds­son­ar, án þess að heim­ild væri fyrir því. Búist er við því að aðal­með­ferð þess máls fari fram í haust.