Meiri­hluti atvinnu­vega­nefndar afgreiddi breyt­ing­ar­til­lögu um ramma­á­ætlun úr nefnd­inni á fundi sínum í morg­un. Með breyt­ing­ar­til­lög­unni er lagt til að fjórir virkj­ana­kostir til við­bótar við Hvamms­virkjun verði færðir úr bið­flokki áætl­un­ar­innar í nýt­ing­ar­flokk. Umhverf­is­ráð­herra lagði fram þings­á­lykt­un­ar­til­lögu í haust um að Hvamms­virkjun yrði færð úr bið­flokki í nýt­ing­ar­flokk.

Þing­menn stjórn­ar­and­stöð­unnar vöktu máls á þess­ari afgreiðslu í upp­hafi þing­fundar nú eftir hádegi og gagn­rýndu vinn­una mjög. Stein­grímur J. Sig­fús­son þing­maður VG sagði alla vinnu meiri­hlut­ans í mál­inu vera til skamm­ar. „Öll fag­leg ferli og vinnu­brögð eru þver­brot­in, farið er gegn anda og inn­taki lag­anna um ramma­á­ætl­un,“ sagði hann.

Þing­menn stjórn­ar­and­stöð­unnar sögðu meiri­hlut­ann fara gegn lögum um ramma­á­ætlun með afgreiðslu sinni á mál­inu, ekki síst vegna þess að einn virkj­ana­kost­ur­inn, Haga­vatns­virkj­un, hefur ekki verið full­kann­aður af verk­efn­is­stjórn um ramma­á­ætl­un. Svan­dís Svav­ars­dóttir þing­maður VG sagð­ist telja breyt­ing­ar­til­lög­una óþing­tæka og að ef málið ætti að ná fram að ganga þyrfti stjórnin að leggja fram breyt­ing­ar­til­lögu um lög um ramma­á­ætl­un. Undir þetta tóku bæði Stein­grímur J. Sig­fús­son og Árni Páll Árna­son, for­maður Sam­fylk­ing­ar­inn­ar.

Jón Gunn­ars­son, for­maður atvinnu­vega­nefndar Alþing­is, sagði í sam­tali við RÚV í hádeg­inu að hann gerði ráð fyrir ágrein­ingi við minni­hlut­ann á þing­inu vegna máls­ins. „Það hafa kannski alltaf verið ákveðin átök um það að fara í þessar fram­kvæmdir en við teljum mjög brýnt, og það sýnir sig auð­vitað í stöðu mála sem er alvar­leg í raf­orku­fram­leiðslu okk­ar, að það sé höggið á þennan hnút og menn geti lát­ið þessi hjól snú­ast að nýju.“ Hann sagði jafn­framt að verið væri að fylgja máls­með­ferð sem gert sé ráð fyrir í lög­um. Alþing­is­menn hafi fulla heim­ild til þess sam­kvæmt lögum að leggja fram breyt­ing­ar­til­lögur um mál.