Sultar­ólin herð­ist í olíu­iðn­að­inum í Nor­egi. Í gær þriðju­dag til­kynnti ris­inn í olíu­iðn­að­in­um, Statoil, um að fyr­ir­tækið hygg­ist segja upp 1.100-1.500 starfs­mönnum fyrir árs­lok 2016. Til við­bótar áætlar Statoil að fækka verk­tökum um ríf­lega 500.  Allt að 2.000 starfs­menn munu því missa vinn­una hjá Statoil á næsta eina og hálfa árinu. Ástæðan fyrir upp­sögn­unum eru minnk­andi umsvif vegna lækk­andi olíu­verðs. Miklu góð­æri und­an­geng­inna ára virð­ist því lokið og spár benda til að mjög muni hægja á hag­vexti næstu 2-3 árin.  Auð­vitað er þetta alls eng­inn heimsendir fyrir norska hag­kerfið sem stendur mjög sterkt með skuld­lausan rík­is­sjóð og bólg­inn olíu­sjóð. Fáar þjóðir eru í betri stöðu til að takast á við erf­iða tíma en Nor­eg­ur.

Tækni­fólk missir vinn­una

Upp­sagn­irnar nú ná til tækni- og verk­fræð­inga en 12.000 slíkir starfa hjá Statoil. Fyr­ir­tækið hyggst ná þess­ari fækkun starfs­manna með því að ráða ekki í störf þeirra starfs­manna sem fara á eft­ir­laun en auk þess munu tals­verður fjöldi starfs­manna ein­fald­lega fá upp­sagn­ar­bréf. Þessar aðgerðir koma sér einna verst fyrir nýút­skrifað tækni­fólk í Stavan­ger og Bergen og í nágrenni.

Ekki neyð­ar­á­stand

Þótt núna sé erfitt fyrir nýút­skrif­aða verk­fræð­inga að fá vinnu við olíu­iðn­að­inn í Nor­egi er ekki þar sem sagt að staðan sé þannig í öllum atvinnu­grein­um. Norska krónan hefur veikst und­an­farið og það hefur hjálpað öðrum útflutn­ings­greinum að vaxa. Þá hefur auk­inn hag­vöxtur í Evr­ópu aukið spurn eftir vörum frá Nor­eg­i.  Grein­endur á mark­aði í Nor­egi spá að atvinnu­leysi muni aukast en fæstir spá því að það auk­ist umtals­vert á lands­vísu. Lík­legra er að vinnu­aflið fær­ist til ann­arra atvinnu­greina sem njóta góðs af veik­ari norskri krónu.