Drífa Snædal, for­seti ASÍ, segir frá því í dag að starfs­fólk flug­fé­lags­ins Play hafi und­an­farnar vikur og mán­uði ítrekað sent henni óskir um lið­sinni og ábend­ingar um „slæman aðbún­að“ hjá flug­fé­lag­inu. Í pistli sem hún birtir á vef ASÍ segir að henni hafi borist nafn­laus bréf frá fólki sem ótt­ist afleið­ingar af því að koma fram undir nafni.

„Starfs­fólkið er í erf­iðri stöðu, það vill vinna við flug og hefur metnað fyrir því að nýtt flug­fé­lag geti starfað á íslenskum mark­aði. En það vill líka sann­gjörn kjör og að stétt­ar­fé­lagið starfi að hags­munum starfs­fólks­ins, ekki atvinnu­rek­end­anna,“ skrifar Drífa.

Hún segir að auki að fram­ganga Play sé flug­fé­lag­inu „til skammar“ og að á meðan ekki sé tekið á henni grafi það undan öllum vinnu­mark­aðnum og sé ógn við rétt­indi launa­fólks almennt. Hún segir einnig að stétt­ar­fé­lag starfs­manna Play, flug­stétt­ar­fé­lagið ÍFF, sé ekki „raun­veru­legt stétt­ar­fé­lag.“

Drífa segir í pistli sínum að þegar hún byrj­aði að vinna fyrir verka­lýðs­hreyf­ing­una hefði hún varla trúað því að á íslenskum vinnu­mark­aði „væru hópar sem væri búið að svipta rödd sinni, þyrðu ekki að koma fram og greina frá aðstæðum sínum og væru kúg­aðir til að vinna fyrir laun undir lág­marks­laun­um.“

„Síðan er ég reynsl­unni rík­ari og hef ítrekað hitt fólk sem hefur ekki rödd og eina vonin er að stétt­ar­fé­lögin leggi lið og ljái rödd og styrk, sem þau gera dag­lega,“ skrifar Drífa.

Hún segir að hins vegar taki stein­inn úr „þegar heilt flug­fé­lag er byggt á grunni kjara undir lág­marks­launum og býður ódýr far­gjöld á grunni þess að hafa „ódýr­ara starfs­fólk“.

„Þessi saga Play hefur verið rakin áður og mið­stjórn ASÍ og for­manna­fundur ályktað og hvatt til snið­göngu á félag­inu þar til það gerir rétt­mætan kjara­samn­ing. Hið svo­kall­aða stétt­ar­fé­lag sem samið var við er ekki raun­veru­legt stétt­ar­fé­lag, fólkið sem vinna átti eftir samn­ing­unum tók ekki þátt í gerð þeirra og félag­ið, ÍFF, er ekki sjálf­stætt frá atvinnu­rek­and­an­um. Til­raunir hafa verið gerðar til að ná alvöru kjara­samn­ingum við Play og þeim gef­inn kostur á að ganga til samn­inga við félag sem raun­veru­lega er skil­greint sem félag flug­freyja, hefur reynslu af kjara­samn­ingum og hefur sýnt það að það standi við bakið á sínum félags­mönnum þegar í harð­bakk­ann slær. Play hefur því miður ekki gripið slíkt tæki­færi,“ segir Drífa í pistli sín­um.