Banka­sýsla rík­is­ins hefur rætt við Lands­bank­ann vegna sölu hans á tæp­lega þriðj­ungs­hlut í greiðslu­korta­fyr­ir­tæk­inu Borgun en hefur ekk­ert aðhafst frekar í mál­inu. Stofn­unin hefur engin áform um að grípa til neinna frek­ari aðgerða vegna söl­unn­ar. Þetta segir Jón Gunnar Jóns­son, for­stjóri Banka­sýsl­unn­ar, í sam­tali við Kjarn­ann.

Hann segir að það hefði verið betra en hlut­ur­inn í Borgun hefði farið í opið sölu­ferli í stað þess að vera seldur til valdra aðila bak­við lukta dyr, án þess að öðrum áhuga­sömum hefði gef­ist tæki­færi til að bjóða í hlut­inn.

Kjarn­inn greindi frá því í gær að Bjarni Bene­dikts­son, fjár­mála- og efna­hags­ráð­herra, hefði svarað fyr­ir­spurn á Alþingi um söl­una á hlutnum í Borgun með þeim hætti að það væri Banka­sýsl­unnar að svara fyrir hvort sölu­ferlið sam­rýmd­ist eig­enda­stefnu rík­is­ins. Því hefði ekki farið fram nein athugun á söl­unni innan ráðu­neyt­is­ins.

Banka­sýsla rík­is­ins fer með eign­ar­hluti rík­is­ins í fjár­mála­fyr­ir­tækj­um. Hlut­verk hennar er meðal ann­ars að „ leggja áherslu á end­ur­reisn og upp­bygg­ingu öfl­ugs inn­lends fjár­mála­mark­aðar og stuðla að virkri og eðli­legri sam­keppni á þeim mark­aði, tryggja gagn­sæi í allri ákvarð­ana­töku varð­andi þátt­töku rík­is­ins í fjár­mála­starf­semi og tryggja virka upp­lýs­inga­miðlun til almenn­ings".

Valin verstu við­skipti árs­ins

Lands­bank­inn, sem er í 98 pró­sent eigu íslenska rík­is­ins, seldi 31,2 pró­sent hlut í Borgun á tæp­lega 2,2 millj­arða króna í nóv­em­ber síð­ast­liðn­um. Kaup­and­inn var Eign­ar­halds­fé­lagið Borgun Slf. Ekk­ert form­legt sölu­ferli fór fram áður en félagið var selt heldur var ferlið þannig að Magnús Magn­ús­son, sem fór fyrir félag­inu, setti sig í sam­band við bank­ann og sýndi áhuga á kaup­un­um. Í kjöl­farið var gengið frá þeim.

Salan, og ógagn­sæið í kringum hana, hefur verið harð­lega gagn­rýnd, meðal ann­ars af stjórn­mála­mönn­um. Stein­þór Páls­son, banka­stjóri Lands­bank­ans, hefur meðal ann­ars þurft að mæta á fund efna­hags- og við­skipta­nefndar til að útskýra söl­una. Þá eru margir innan við­skipta­lífs­ins þeirrar skoð­unar að allt of lágt verð hafi verið greitt fyrir hlut­inn. Salan á Borgun var valin sem verstu við­skipti árs­ins 2014 hjá Mark­aðn­um, fylgi­riti Frétta­blaðs­ins um við­skipti.