Ein af for­send­unum fyrir aðgerð­unum um losun fjár­magns­hafta er að gengi krón­unnar muni end­ur­spegla raun­hag­kerf­ið, og að fyr­ir­tæki og heim­ili taki ekki á sig frek­ari byrðar en þegar hefur verið orðið raun­in. Í ljósi þess að vöru- og þjón­ustu­við­skipti hafa verið jákvæð fyrir þjóð­ar­búið að und­an­förnu, ekki síst vegna öfl­ugs útflutn­ings­geira, þá gætu áhrifin af aðgerð­unum orðið til þess að gengi krón­unnar styrkt­ist, hald­ist við­skiptin hag­felld fyrir þjóð­ar­bú­ið.

Rætt var ítar­lega um þessar for­sendur á blaða­manna­fundi í Hörpu, sem hald­inn var í hádeg­inu, þar sem ítar­lega var farið yfir aðgerð­ar­á­ætl­un­ina í áföng­um.

Sig­urður Hann­es­son og Bene­dikt Gísla­son, vara­for­menn fram­kvæmda­hóps um afnám fjár­magns­hafta, kynntu aðgerð­ar­á­ætl­un­ina og skil­yrðin sem fyrir liggja, sem hafa verið í und­ir­bún­ingi und­an­farin miss­eri, og lögðu þeir ríka áherslu á að þjóð­ar­hags­munir yrðu vernd­aðir með aðgerð­un­um, og stoðir efna­hags­lífs­ins þar með styrkt­ar.

Í til­kynn­ingu frá efna­hags- og fjár­mála­ráðu­neyt­inu, kemur fram að mark­miðið sé að mynda heil­stæða lausn á þeim mikla vanda sem við er að etja. „Saman mynda þessi frum­vörp heild­stæða áætlun um lausn á þeim vanda sem útgreiðsla fjár­muna frá föllnum fjár­mála­fyr­ir­tækjum til kröfu­hafa við upp­gjör þeirra myndi hafa að óbreyttu. Áætlað er að tekjur rík­is­sjóðs af stöð­ug­leika­skatti geti orðið 682 millj­arðar króna að teknu til­liti til frá­drátt­ar­heim­ild­ar, en skatt­upp­hæð án frá­dráttar nemur tæpum 850 millj­örðum króna. Stöð­ug­leika­skil­yrðin leysa vand­ann með áþekku umfangi og stöð­ug­leika­skattur en sam­kvæmt annarri aðferða­fræði og nálg­un,“ segir í til­kynn­ingu frá ráðu­neyt­inu.

Þá er jafn­framt gert ráð fyrir að staða rík­is­sjóðs muni batna til muna, þegar aðgerð­ar­á­ætl­un­inni verður hrint í fram­kvæmd, en horft til þess að skuldir rík­is­ins verði greiddar niður og tug­millj­arða vaxta­kostn­aður rík­is­ins lækk­aður til muna. „Mik­il­vægt er að fjár­munir sem renna til rík­is­ins vegna stöð­ug­leika­skil­yrða eða skatts hafi ekki óæski­leg áhrif á pen­inga­magn eða önnur þenslu­hvetj­andi áhrif sem gætu raskað efna­hags­legum stöð­ug­leika. Verður þessum fjár­mun­um, eftir því sem tæki­færi gefast, varið til lækk­unar skulda hins opin­bera, enda hefur rík­is­sjóður borið mik­inn kostnað af hruni fjár­mála­kerf­is­ins.  Þegar upp­gjör slita­bú­anna og losun fjár­magns­hafta er lokið verður stórum óvissu­þætti eytt um efna­hag rík­is­sjóðs og gert er ráð fyrir að vaxta­á­lag og vaxta­kostn­aður lækki umtals­vert,“ segir í til­kynn­ingu frá ráðu­neyt­inu.