And­staða er við það innan fjár­laga­nefndar að ríkið taki við þriggja millj­arða króna líf­eyr­is­skuld­bind­ingum RÚV og að hætt verði við að lækka útvarps­gjald­ið. Þetta kom fram í fréttum Stöðvar 2 í kvöld. Guð­laugur Þór Þórð­ar­son, vara­for­maður fjár­laga­nefndar og þing­maður Sjálf­stæð­is­flokks­ins, ­segir að ef ríkið tæki yfir skuld­bind­ing­arnar og að hætt verði við lækkun á útvarps­gjaldi væri það "ansi grodd­ara­leg ein­greiðsla upp á fjögur þús­und millj­ónir króna".

Í rekstar- og aðgerð­ar­á­ætlun um rekstur RÚV, sem Morg­un­blaðið greindi frá í morg­un, er ein for­senda þess að hann kom­ist í jafn­vægi án veru­legrar skerð­ingar á þjón­ustu sú að ríkið yfir­taki líf­eyr­is­skuld­bind­ingar fyr­ir­tæk­is­ins. Þær eru um þrír millj­arðar króna. Verði þetta að veru­leika, ásamt því að RÚV selji lóðir fyrir 1,4 millj­arða króna, munu lang­tíma­skuldir RÚV lækka úr 4,4 millj­örðum króna í 402 millj­ónir króna, eða um fjögur þús­und millj­ónir króna. Áætl­unin er unnin af RÚV í sam­ráði við starfs­hóp þriggja ráðu­neyta. Þetta kemur fram í grein­ar­ferð fjár­laga­nefndar Alþingis um fjár­hag RÚV þar sem áætl­unin er til umfjöll­un­ar. Fjár­mála­ráðu­neytið hefur þegar sam­þykkt áætl­un­ina.

Í áætl­un­inni er gert ráð fyrir að tap upp á 33 millj­ónir króna verði á rekstri RÚV á yfir­stand­andi ári. Hagn­aður verði hins vegar af rekstr­inum rekstr­ar­árið 2015-2016 upp á 1.540 millj­ónir króna, að mestu vegna lóða­sölu upp á 1,4 millj­arða króna. Sam­kvæmt áætl­un­inni verður rekstur RÚV heilt yfir í jafn­vægi á því sex ára tíma­bili sem fjallað er um í henni.

Ill­ugi Gunn­ars­son, mennta- og menn­ing­ar­mála­ráð­herra, fer með mál­efni RÚV. Hann sagði í fréttum Stöðvar 2 í kvöld að engar ákvarð­anir hafi verið teknar af hálfu stjórn­valda um að taka yfir líf­eyr­is­skuld­bind­ingar RÚV. Hann hefur sjálfur ekki viljað taka afstöðu til máls­ins strax.