Unn­steinn Jóhanns­son hefur verið ráð­inn nýr aðstoð­ar­maður Guð­mundar Stein­gríms­son­ar, for­manns Bjartrar fram­tíð­ar. Hann mun einnig starfa sem upp­lýs­inga­full­trúi Bjartrar fram­tíð­ar. Unn­steinn hefur störf um næstu mán­að­ar­mót. Árni Múli Jón­as­son, sem gegnt hefur starfi aðstoð­ar­manns for­manns Bjartrar fram­tíð­ar, tekur við starfi fram­kvæmda­stjóra Þroska­hjálpar um næstu mán­að­ar­mót. Áni Múli hafði gegnt starfi póli­tísks ráð­gjafa og aðstoð­ar­manns for­manns flokks­ins frá því í byrjun jan­ú­ar.

Í til­kynn­ingu frá Bjartri fram­tíð segir að Unn­steinn sé mennt­aður KaosPilot og hafi stundað nám sitt í Hollandi og Dan­mörku. "Hann hefur verið virkur þátt­tak­andi í ýmsum frjálsum félaga­sam­tök­um, þar á meðal Kaffi­bar­þjóna­fé­lag­inu, Skát­unum og Sam­tök­unum 78. Unn­steinn hefur unnið sem verk­efna­stjóri fyrir Skáta­hreyf­ing­una og lætur nú af störfum sem fram­kvæmda­stjóri Lands­sam­bands æsku­lýðs­fé­laga.  Unn­steinn sat í 12. sæti Bjartrar fram­tíðar í Reykja­vík. Er hann vara­maður í Íþrótta- og tóm­stunda­ráði Reykja­vík­ur­borgar og situr í starfs­hópi um mál­efni hinsegin fólks í Vel­ferða­ráðu­neyt­inu fyrir hönd Bjartrar fram­tíð­ar.

Björt fram­tíð hefur verið mikið til umfjöll­unar að und­an­förnu í kjöl­far þess að fylgi flokks­ins hefur hríð­fall­ið. Í könnun sem MMR birti í síð­ustu viku ­sögð­ust ein­ungis 4,4 pró­sent kjós­enda ætla að kjósa flokk­inn. Miðað við það fylgi myndi Björt fram­tíð ekki ná inn manni í kom­andi kosn­ing­um. Í nýj­ustu könnun Gallup mælist fylgi Bjartrar fram­tíðar fimm pró­sent. Flokk­ur­inn mæld­ist með um 20 pró­sent fylgi í könn­unum  í fyrra­haust.

Heiða Kristín Helga­dótt­ir, annar stofn­enda flokks­ins og fyrrum stjórn­ar­for­maður hans, gagn­rýni Guð­mund Stein­gríms­son, for­mann Bjartrar fram­tíð­ar, og aðra í for­ystu flokks­ins opin­ber­lega í síð­ustu viku. Í kjöl­farið sagð­ist hún opin fyrir því að sækj­ast eftir for­manns­emb­ætt­inu ef vilji væri fyrir því hjá flokks­mönn­um. Guð­mundur til­kynnti í gær að hann hefði engan áhuga á for­manns­slag og myndi leggja fram til­lögu um að æðstu emb­ætti flokks­ins myndu róter­ast. Þá til­lögu ætlar hann að leggja fram á árs­fundi Bjartrar fram­tíðar í byrjun sept­em­ber. Verði sú til­laga sam­þykkt mun starf for­manns og þing­flokks­for­manns róter­ast á milli sex þing­manna Bjartrar fram­tíðar en aðrir gegna starfi stjórn­ar­for­manns.