Gunn­ari Braga Sveins­syni, utan­rík­is­ráð­herra og fyrsta þing­manni norð­vest­ur­kjör­dæm­is, þykir Íslend­inga hafa skort fram­tíð­ar­sýn í ferða­þjón­ustu og þykir tími til kom­inn að setja skatt á flug­miða til að fjár­magna inn­viði ferða­þjón­ust­unn­ar. Þetta segir hann í við­tali við Skessu­horn í dag.

Íslend­ingar hafi setti mikla fjár­muni í að byggja upp vega­kerfið en ekki gert ráð fyrir svo mik­illi aukn­ingu í ferða­þjón­ust­unni eins og raunin hefur verið und­an­farin ár. „Fyrir vikið þá eru veg­irnir og ferða­manna­svæði ekki til­búin að taka við öllu þessu fólki,“ segir Gunnar Bragi og bætir við að nú horfi við bjart­ari tím­ar.

„Núna þegar efna­hag­ur­inn fer að batna þá verðum við að setja meiri fjár­muni í vega­kerf­ið. Ekki bara að og frá vin­sæl­ustu ferða­manna­stöð­unum heldur líka bæta vega­kerfið þannig að það verði auð­veld­ara að dreifa ferða­mönnum um land­ið,“ segir hann. „Þetta er auð­vitað öðrum þræði mjög stórt byggða­mál.“

Gunnar Bragi segir pen­inga til end­ur­bóta verða að vera sótta til ferða­manna, en ekki bara í rík­is­sjóð. Hann leggur til að skattur verði lagður á flug­miða til lands­ins, eins og ger­ist víða í Banda­ríkj­un­um. „Ég held að það sé kom­inn tími til að setja ein­hvers­konar skatt á fólk þegar það kemur til lands­ins, svo sem á flug­miða,“ segir hann við Skessu­horn. „Það verður þá bara að hafa [það] þó að Íslend­ingar þurfi að greiða hann lík­a.“

Undir eru allir inn­viðir ferða­þjón­ust­unn­ar, ekki aðeins vegir heldur einnig fjar­skipta­mál því að mati Gunn­ars Braga geta ferða­þjón­ustu­fyr­ir­tæki ekki búið við ótryggt net­sam­band á lands­byggð­inni.