Hagnaður Pírata tífaldaðist milli ára

Rekstur Pírata lagaðist umtalsvert milli áranna 2019 og 2020, að mestu vegna þess að launakostnaður dróst saman. Eigið fé þeirra átta stjórnmálaflokka sem fá fé úr ríkissjóði jókst um tæplega 750 milljónir króna á síðasta kjörtímabili.

7DM_9838_raw_1769.JPG
Auglýsing

Píratar högn­uð­ust um 25 millj­ónir króna á árinu 2020. Það er er næstum tíu sinnum betri afkoma en á árinu 2019, þegar hagn­að­ur­inn var 2,6 millj­ónir króna. Þetta kemur fram í árs­reikn­ingi Pírata sem birtur var á vef Rík­is­end­ur­skoð­unar fyrr í þessum mán­uð­i. 

Flokk­ur­inn var sá eini sem fær greiðslur úr opin­berum sjóðum sem skil­aði ekki gildum árs­reikn­ingi áður en lög­bund­inn frestur til þess rann út 1. nóv­em­ber í fyrra. 

Reikn­ingnum var svo skilað 23. nóv­em­ber en ágrein­ingur er milli stofn­un­ar­innar og Pírata um hvernig eigi að tekju­færa fram­lag úr rík­is­sjóði til flokks­ins sem gerði það að verkum að Rík­is­end­ur­skoðun gaf Pírötum frest til að bæta úr ætl­uðum ann­mörk­um. 

Á heima­síðu Rík­is­end­ur­skoð­unar segir að sam­kvæmt birtum árs­reikn­ingi séu fram­lögin frá rík­inu tekju­færð eftir því sem Píratar telja þau áunnin miðað við dag­setn­ingu og nið­ur­stöðu kosn­inga þegar Píratar voru fyrst kjörnir á þing í apríl 2013. „Fram­lög rík­is­ins til stjórn­mála­sam­taka eru hins vegar ákvörðuð í fjár­lögum hverju sinni og til­heyra fram­lögin þannig til­teknu fjár­laga­ári. Með sam­þykkt fjár­laga mynd­ast þannig fyrst skil­yrði til að greiða fram­lagið og um leið krafa stjórn­mála­sam­taka til fram­laga sam­kvæmt fjár­lögum til­tek­ins árs. Sam­kvæmt því ber að tekju­færa fram­lög frá rík­is­sjóði á því reikn­ings­ári þegar þau eru greidd sam­kvæmt fjár­lög­um.“

Nið­ur­staða rekstr­ar­reikn­ings árs­ins 2020 er sú sama sam­kvæmt báðum aðferðum en aðferð Pírata gerir það að verkum að eignir og eigið fé er 47,3 millj­ónum krónum hærra en ella væri.

Launa­kostn­aður dróst veru­lega saman

Á árinu 2019 högn­uð­ust Píratar um 2,6 millj­­­ónir króna. Tekjur flokks­ins, sem eru nær ein­vörð­ungu úr opin­berum sjóð­um, voru 86 millj­­­ónir króna á því ári. Mest mun­aði um fram­lög úr rík­­­is­­­sjóði til flokks­ins sem námu tæpum 83 millj­­­ónum króna. 

Rekstr­­­ar­­­kostn­aður Pírata var 82 millj­­­ónir króna. Þar af kost­aði rekstur aðal­­­­­skrif­­­stofu 65 millj­­­ónir króna og rekstur þing­­­flokks Pírata 15,1 milljón króna. Það þýddi að 95,5 pró­­­sent af tekjum Pírata fór í rekstr­­­ar­­­kostnað á árinu 2019.

Auglýsing
Flokk­ur­inn skar sig úr í stjórn­­­mála­­flokka­flór­­unni með því að eyða svona stórum hluta tekna sinna í rekst­­ur. Hinir lögðu flestir tugi millj­­óna króna til hliðar á árinu 2019. Sömu sögu er að segja um síð­­asta ár, og kosn­­inga­­sjóðir þeirra fyrir þing­­kosn­­ing­­arnar sem fóru fram í sept­­em­ber í fyrra því digr­­ir.

Skoð­un­ar­menn árs­reikn­ings Pírata 2019 vöktu athygli á því í áritun sinni að þeim þætti „„rekstur Pírata hafa verið heldur kostn­að­­ar­­samur eigi það mark­mið að nást að flokk­­ur­inn eigi næg­i­­legan sjóð til þess að standa straum af kosn­­inga­bar­áttu á kom­andi ári.“

Afkoma Pírata batn­aði mikið á árinu 2020 og hagn­að­ur­inn var, líkt og áður segir rétt um 25 millj­ónir króna. Rekstr­ar­kostn­að­ur­inn það ár var 71 pró­sent af tekjum og mun­aði þar mestu um að laun og launa­tengd gjöld dróg­ust saman um 14,5 millj­ónir króna milli ára. Alls dróst rekstr­ar­kostn­aður í heild saman um tæp­lega 20 millj­ónir króna.

Tekj­urnar juk­ust lít­illia milli ára og voru 87,6 millj­ónir króna. Alls koma 98 pró­sent tekna Pírata úr opin­berum sjóð­um, þ.e. vegna fram­laga úr rík­is­sjóði og frá sveit­ar­fé­lögum þar sem flokk­ur­inn á kjörna full­trúa. Það sem upp á vantar voru styrkir frá ein­stak­lingum (142.167 krón­ur) og félags­gjöld (1.605.940 krón­ur). Félags­gjöldin fjór­föld­uð­ust milli ára. 

Eigið fé flokka jókst um 750 millj­ónir á síð­asta kjör­tíma­bili

Fram­lög til stjórn­mála­flokka úr rík­is­sjóði hækk­­­uðu veru­­­lega í kjöl­far þess að til­­­laga sex flokka sem sæti eiga á Alþingi um að hækka fram­lag rík­­­­­­is­ins til stjórn­­­­­­­­­­­mála­­­­­­flokka á árinu 2018 um 127 pró­­­­­­sent var sam­­­­­­þykkt í fjár­­­­­­lögum sem voru afgreidd áður en þingi var slitið í lok des­em­ber 2017. Fram­lög til stjórn­­­­­­­­­­­mála­­­­­­flokka áttu að vera 286 millj­­­­­­ónir króna en urðu 648 millj­­­­­­ónir króna á því ári. 

Einu flokk­­­­­arnir sem skrif­uðu sig ekki á til­­­­­lög­una voru Píratar og Flokkur fólks­ins.

­Full­­­­trúar allra flokka á Alþingi, þar á meðal sex for­­­­­menn stjórn­­­­­­­­­mála­­­­­flokka, lögðu svo sam­eig­in­­­­­lega fram frum­varp til að breyta lögum um fjár­­­­­­­­­mál stjórn­­­­­­­­­mála­­­­­flokka og fram­­­­­bjóð­enda í lok árs 2018. Það var afgreitt sem lög fyrir þing­­­­­lok þess árs.

Þeir níu stjórn­­­mála­­flokkar sem fengu nægj­an­­legt fylgi í síð­­­ustu þing­­kosn­­ingum til að fá úthlutað fjár­­munum úr rík­­is­­sjóði fá sam­tals 728,2 millj­­ónir króna til að skipta á milli sín í ár.

Um er að ræða þá átta flokka sem eiga full­­trúa á þingi auk Sós­í­a­lista­­flokks Íslands sem hlaut nægj­an­­legt fylgi í síð­­­ustu kosn­­ingum til að hljóta fram­lag.

Það er sama upp­­hæð og flokk­­arnir fengu sam­tals síð­ustu tvö ár. Raunar gera áætl­­­anir stjórn­­­valda ráð fyrir því að hún hald­ist óbreytt út árið 2024. Haldi það munu stjórn­­­mála­­flokkar lands­ins alls hafa fengið 3.641 millj­­ónir króna úr rík­­is­­sjóði á fimm ára tíma­bil­i. 

Eigið fé þeirra átta stjórn­­­mála­­flokka sem hafa skilað inn gildum árs­­reikn­ingum vegna árs­ins 2020 jókst um sam­tals 747,6 millj­­ónir króna frá árs­lokum 2017 og fram að síð­­­ustu ára­­mót­u­m.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Oddný Harðardóttir þingmaður Samfylkingarinnar.
Segir ofsagróða stórútgerða hafa ruðningsáhrif – „Þjóðin fær ekki réttlátan hlut í arðinum“
Þingmaður Samfylkingarinnar spurði matvælaráðherra á þingi i dag hvort hún hygðist leggja fram frumvarp um breytingar á lögum sem vinna gegn samþjöppun í sjávarútveginum. Ráðherrann telur mikilvægt að grafast fyrir um þessi mál.
Kjarninn 16. maí 2022
Anna Sigríður Jóhannsdóttir
„Með hækkandi sól“
Kjarninn 16. maí 2022
Katrín Jakobsdóttir forsætisráðherra.
Ítreka stuðning við ákvörðun Finnlands og Svíþjóðar að sækja um aðild að NATO
Forsætisráðherrar Íslands, Danmerkur og Noregs hafa sent frá sér yfirlýsingu þar sem þeir segja að ríkin muni aðstoða Finnland og Svíþjóð með öllum ráðum verði öryggi þeirra ógnað áður en aðild að Atlantshafsbandalaginu gengur í gildi.
Kjarninn 16. maí 2022
Framsóknarflokkurinn í Mosfellsbæ fékk fjóra bæjarfulltrúa kjörna í svietarstjórnakosningum um helgina og er í lykilstöðu við myndun meirihluta.
Framsóknarflokkur sagður horfa til samstarfs með öðrum en Sjálfstæðisflokki í Mosfellsbæ
Samkvæmt heimildum Kjarnans telur Framsóknarflokkurinn í Mosfellsbæ niðurstöður kosninganna ákall frá kjósendum um að binda enda á stjórnartíð Sjálfstæðisflokksins. Þetta er í fyrsta sinn í rúm 50 ár sem flokkurinn er ekki sá stærsti í bænum.
Kjarninn 16. maí 2022
Þórdís Lóa Þórhallsdóttir er oddviti Viðreisnar.
Þórdís Lóa útilokar ekki meirihlutasamstarf við Sjálfstæðisflokk og Framsókn
Þótt þrír af flokkunum sem standa að fráfarandi meirihluta ætli að fylgjast að í komandi viðræðum útilokar oddviti Viðreisnar og eini borgarfulltrúi þess flokks ekki að mynda annars konar meirihluta. Það opnar glufu fyrir Sjálfstæðisflokkinn að völdum.
Kjarninn 16. maí 2022
BJörgunarmenn að störfum í Durban eftir gríðarleg flóð.
Hamfarir í Suður-Afríku tvöfalt líklegri vegna loftslagsbreytinga
Ef veðurfar væri svipað nú og það var fyrir iðnbyltingu myndu hamfarir á borð við þær sem kostuðu 435 manneskjur lífið í Suður-Afríku í apríl eiga sér stað á 40 ára fresti en ekki einu sinni á hverjum tuttugu árum.
Kjarninn 16. maí 2022
Sigurður Hannesson, framkvæmdastjóri Samtaka iðnaðarins, skrifar undir umsögnina ásamt aðalhagfræðingi samtakanna.
Samtök iðnaðarins vilja framlengja milljarða króna endurgreiðslur vegna byggingavinnu
Þegar kórónuveirufaraldurinn skall á voru endurgreiðslur vegna „Allir vinna“ átaksins hækkaðar upp í 100 prósent. Á tæpum tveimur árum kostaði það ríkissjóð 16,5 milljarða króna í tekjum sem voru ekki innheimtar.
Kjarninn 16. maí 2022
Tæknivarpið
Tæknivarpið
Tæknivarpið – iPod lagður til grafar
Kjarninn 16. maí 2022
Meira úr sama flokkiInnlent