Fjár­mála- og efna­hags­ráð­herra hefur skipað nýja stjórn Fjár­mála­eft­ir­lits­ins (FME). Nýr for­maður stjórn­ar­innar er Ásta Þór­ar­ins­dótt­ir. Þar með hefur Halla Sig­rún Hjart­ar­dóttir hætt sem for­mað­ur, en hún til­kynnti að hún myndi hætta í lok árs 2014 eftir að fjöl­mörg álita­mál tengd við­skiptum hennar röt­uðu í fjöl­miðla. Kjarn­inn greindi frá því í des­em­ber að nefnd­ar­mönnum í efna­hags- og við­skipta­nefnd, sem vildu fá Höllu Sig­rúnu til að svara fyrir álita­mál­in, hafi verið sagt að hún myndi hætta störfum 3. des­em­ber síð­ast­lið­inn. Þess vegna myndi hún ekki mæta fyrir nefnd­ina. Hún sat hins vegar sem stjórn­ar­for­maður þar til í dag.

Halla Sig­rún Hjalta­dótt­ir, fyrrum stjórn­ar­for­maður Fjár­mála­eft­ir­lits­ins.

Ásta Þór­ar­ins­dóttir lauk BS gráðu í hag­fræði frá Háskóla Íslands 1994 og MS gráðu í Invest­ment Mana­gement frá City Uni­versity í London 1996. Hún hefur einnig lokið prófi í verð­bréfa­miðl­un.  Ásta starf­aði hjá banka­eft­ir­liti Seðla­banka Íslands frá 1994 og síðar Fjár­mála­eft­ir­lit­inu allt til árs­ins 2005. Hún er fram­kvæmda­stjóri Evu ehf. móð­ur­fé­lags Sinn­um, sem starfar á vel­ferð­ar­sviði.   Með­eig­andi hennar að Sinnum er Ásdís Halla Braga­dótt­ir, fyrrum bæj­ar­stjóri í Garðabæ og áhrifa­kona innan Sjálf­stæð­is­flokks­ins um margra ára skeið.

Auk for­manns eiga eft­ir­taldir aðal- og vara­menn sæti í stjórn FME: