Þol­in­mæði Land­spít­al­ans gagn­vart sjúkra­hót­eli Sinnum ehf. í Ármúla er á þrot­um. Ítrek­uðum athuga­semdum spít­al­ans og eft­ir­lits­að­ila um rekstur hót­els­ins hefur ekki verið sinnt af Sjúkra­trygg­ing­um, sem telja spít­al­ann beita til­efn­is­lausum athuga­semdum gegn rekstr­ar­að­ila sjúkra­hót­els­ins, Sinnum ehf.

Greint er frá deilum Land­spít­al­ans og Sjúkra­trygg­inga vegna Sinnum ehf. á frétta­vef RÚV en málið verður til umfjöll­unar í Kast­ljós­inu í kvöld. Fyr­ir­tækið hefur rekið sjúkra­hótel frá því árið 2011 en rekst­ur­inn var áður í höndum Land­spít­al­ans. Sjúkra­trygg­ingar Íslands buðu út rekst­ur­inn í sam­vinnu við Land­spít­al­ann. Sinnum átti þar lægsta boð upp á 90 millj­ónir króna á ári.

Kast­ljós hefur undir höndum gögn sem sýna nær stans­lausar deilur milli Sjúkra­trygg­inga Íslands og Land­spít­al­ans. For­stjóri Sjúkra­trygg­inga telur samn­inga við Sinnum hafa reynst vel og að Land­spít­al­inn hafi „beitt sér fyrir því að koma með til­efn­is­lausar athuga­semdir í tengslum við samn­ing­inn við Sinn­um“.

Í við­tali við Kast­ljós í kvöld sakar for­stjóri Sjúkra­trygg­inga Íslands. Land­spít­al­ann um að stýra vinnu eft­ir­lits­að­ila, sem einnig hefur gert athuga­semdir við rekstur Sinnum ehf. Heil­brigð­is­eft­ir­lit Reykja­víkur hefur ítrekað gert athuga­semdir við aðbúnað og leyf­is­mál á sjúkra­hót­el­inu und­an­farin ár. Það hafa starfs­menn, sjúk­lingar og aðstand­endur einnig gert.