Eins og Kjarn­inn greindi frá í dag þá á sjáv­ar­út­vegs­fyr­ir­tækið HB Grandi 12,2 pró­sent af heild­ar­verð­mæti afla­hlut­deilda allra teg­unda, sam­kvæmt útreikn­ingi Fiski­stofu. Það er hærra hlut­fall en leyfi­legt er sam­kvæmt lög­um, en sam­kvæmt þeim má hlut­fall ein­stakra útgerða í heild­ar­kvóta ekki vera umfram tólf pró­sent.

Sjáv­ar­út­vegs­fyr­ir­tækið birti frétt inn á heima­síðu sinni af þessu til­efni síð­degis í dag. Þar ítreka stjórn­endur fyr­ir­tæk­is­ins að engar breyt­ingar hafi átt sér stað á afla­hlut­deildum HB Granda und­an­farin ár. Þrátt fyrir það hafi afla­hlut­deild félags­ins sam­kvæmt útreikn­ingi Fiski­stofu hækkað úr 9,65 pró­sentum árið 2009 upp í 12,2 pró­sent eins og hún mælist nú. Sam­kvæmt frétt HB Granda skýrist breyt­ingin af verð­sveiflum á alþjóð­legum mörk­uðum fyrir afurðir fyr­ir­tæk­is­ins.

Í frétta­til­kynn­ing­unni er haft eftir Vil­hjálmi Vil­hjálms­syni for­stjóra HB Granda:„...Það sem veldur þessum breyt­ingum er aðal­lega hærri þorskígild­is­stuð­ull karfa. Við eigum von á því að hlut­deildin fari vel niður fyrir tólf pró­sent við næsta útreikn­ing Fiski­stofu. Sem dæmi um hversu mikil áhrif verð­sveiflur geta haft á nið­ur­stöð­una þá má nefna að þorskígildi gull­karfa var 0,42 fisk­veiði­árið 2008/2009 en er 0,85 á yfir­stand­andi fisk­veiði­ári. Allt bendir til að þorskígildi gull­karfa lækki aftur við næsta útreikn­ing, en karfi er stór hluti af okkar afla­heim­ild­um, og að hlut­deild félags­ins fari þá aftur undir þessi lög­bundnu mörk.“