Svan­dís Svav­ars­dóttir heil­brigð­is­ráð­herra hefur ákveðið að skipa Heiðu Björgu Pálma­dóttur í emb­ætti skrif­stofu­stjóra á skrif­stofu inn­viða heil­brigð­is­þjón­ustu í ráðu­neyt­inu.

Þetta kemur fram á vef Stjórn­ar­ráðs­ins í dag.

Alls bár­ust 18 umsóknir um emb­ættið en umsókn­ar­frestur rann út þann 21. júní síð­ast­lið­inn. Ráð­gef­andi hæfn­is­nefnd um skipun í emb­ættið mat Heiðu „mjög vel hæfa til að gegna emb­ætt­in­u“. Skipað verður í emb­ættið til fimm ára.

„Heiða Björg lauk emb­ætt­is­prófi í lög­fræði frá Háskóla Íslands árið 2004 og hlaut leyfi til starfa sem hér­aðs­dóms­lög­maður árið 2008 og leggur nú stund á dokt­ors­nám í lög­fræði við Háskól­ann í Reykja­vík. Hún hefur gegnt emb­ætti for­stjóri Barna­vernd­ar­stofu frá árinu 2018. Áður starf­aði hún um ára­bil sem yfir­lög­fræð­ingur á sömu stofn­un. Hún hefur starfað sem stunda­kenn­ari við laga­deild Háskól­ans í Reykja­vík og við félags­vís­inda­svið Háskóla Íslands, starf­aði sem lög­fræð­ingur hjá Umboðs­manni alþingis 2006-2008 og gegndi lög­fræði­störfum á sjúkra­trygg­inga­sviði Trygg­inga­stofn­unar rík­is­ins 2005-2008,“ segir á vef Stjórn­ar­ráðs­ins.

Í umsögn ráð­gef­andi nefndar segir að Heiða Björg hafi afburða þekk­ingu á sviði opin­berrar stjórn­sýslu. Þá hafi hún sem for­stjóri Barna­vernd­ar­stofu og yfir­lög­fræð­ingur á stofn­un­inni þar sem starfa rúm­lega 100 starfs­menn við flókna og við­kvæma starf­semi, öðl­ast góða stjórn­un­ar­reynslu, auk þekk­ingar og reynslu í opin­berum fjár­málum og rekstri. Jafn­framt er bent á að hún hafi borið ábyrgð á og stýrt stefnu­mótun stofn­un­ar­innar á tímum mik­illa breyt­inga.