Helga Thor­berg, leik­kona og garð­yrkju­fræð­ing­ur, leiðir fram­boðs­lista Sós­í­alista­flokks Íslands í Norð­vest­ur­kjör­dæmi, en hann var kynntur í dag. Þar með hefur flokk­ur­inn kynnt alla fram­boðs­lista sína fyrir kom­andi kosn­ing­ar, sem fara fram 25. sept­em­ber næst­kom­and­i. 

Í öðru sæti á list­anum er Árni Múli Jón­as­son, mann­rétt­inda­lög­fræð­ingur sem starfar sem fram­kvæmda­stjóri Lands­sam­tak­anna Þroska­hjálp­ar. Árni Múli er ekki ókunn­ugur stjórn­mála­starfi en hann starf­aði um tíma sem póli­tískur ráð­gjafi þing­flokks Bjartrar fram­tíðar og aðstoð­ar­maður for­manns flokks­ins þegar sá flokkur átti full­trúa á Alþingi. Þá leiddi hann lista Bjartar fram­tíðar í Norð­vest­ur­kjör­dæmi árið 2013 en náði ekki inn á þing. Árni Múli var einnig í heið­ur­sæti á lista flokks­ins í kjör­dæm­inu í kosn­ing­unum 2016. Þá starf­aði hann um tíma sem bæj­ar­stjóri Akra­ness og sem fram­kvæmda­stjóri Íslands­deildar Tran­sparency International.

Í til­kynn­ingu frá Sós­í­alista­flokknum er haft eftir Helgu, odd­vita flokks­ins í kjör­dæm­inu, að græðgi, taum­laus neysla og virð­ing­ar­leysi við móðir jörð sé á góðri leið með að útrýma öllu lífi á jörð­inni „Það er á ábyrgð stjórn­valda að grípa til aðgerða til að sporna við eyði­legg­ing­unni. Það er hins vegar okkar ábyrgð að velja þá sem fara með vald­ið. Þess vegna þurfum við stjórn­völd sem eru til­búin til að fara í þær rót­tæku breyt­ing­ar, stjórn­völd sem eru ekki að þjóna auð­vald­inu heldur almenn­ingi. Með því að fylkja okkur um stefnu Sós­í­alista­flokks­ins, veljum við efna­hags­kerfi sem byggir á líf­væn­legum gildum fyrir fjöld­ann – en ekki sér­hags­munum fárra. Rót­tækra aðgerða er þörf – ég ætla að leggja því lið.“

Hún segir að það sé okkar að tryggja að börnin okkar og barna­börn eigi líf­væn­lega fram­tíð. „Það verður að grípa til rót­tækra aðgerða til að koma í veg fyrir hörmu­legar afleið­ingar af þeim lífsmáta sem kap­ít­al­ism­inn hefur leitt yfir heims­byggð­ina og birt­ast okkur í fréttum á hverjum degi. Ég hef tíma, brenn­andi áhuga og bar­áttu­vilja.“

Í þriðja sæti er Sig­urður Jón Hreins­son, véla­hönn­uður og bæj­ar­full­trúi og í fjórða sæti er Aldís Schram lög­fræð­ing­ur. List­anum er, líkt og öðrum fram­boðs­listum Sós­í­alista­flokks­ins, stillt upp af slembivöldum hópi meðal félaga flokks­ins.

Listi Sós­í­alista­flokks­ins í Norð­vest­ur­kjör­dæmi:

1. Helga Thor­berg, leik­kona og garð­yrkju­fræð­ingur
2. Árni Múli Jón­as­son, mann­rétt­inda­lög­fræð­ingur og fram­kvæmda­stjóri Þroska­hjálpar
3. Sig­urður Jón Hreins­son, véliðn­fræð­ingur og bæj­ar­full­trúi
4. Aldís Schram, lög­fræð­ingur og kenn­ari
5. Berg­vin Eyþórs­son, þjón­ustu­full­trúi og vara­for­maður Verka­lýðs­fé­lags Vest­fjarða
6. Guðni Hann­es­son, ljós­mynd­ari
7. Ágústa Anna Ómars­dótt­ir, lyfja­tæknir
8. Sig­ur­björg Magn­ús­dótt­ir, eft­ir­launa­kona
9. Jónas Þor­valds­son, sjó­maður
10. Valdi­mar Arn­þór And­ers­sen, heima­vinn­andi hús­faðir
11. Guð­rún Berg­mann Leifs­dótt­ir, lista­kona
12. Magnús A. Sig­urðs­son, minja­vörður vest­ur­lands
13. Dröfn Guð­munds­dótt­ir, kenn­ari
14. Ind­riði Aðal­steins­son, bóndi
15. Fjóla Heið­dal Stein­ars­dótt­ir, háskóla­nemi
16. Finnur Torfi Hjör­leifs­son, lög­fræð­ing­ur, eft­ir­launa­maður