Hill­ary Clinton hefur ákveðið að bjóða sig fram til emb­ættis for­seta Banda­ríkj­anna, og mun form­lega sækj­ast eftir því að verða for­seta­fram­bjóð­andi Demókrata í for­seta­kosn­ing­unum á næsta ári.

Þar með er eitt verst varð­veitta leynd­ar­málið í Was­hington orðið opin­bert, en yfir­vof­andi fram­boð Clinton hefur verið á hvers manns vit­orði vestan hafs und­an­farin tvö ár.

Í umfjöllun The New York Times er greint frá því að til­kynn­ing frá Clinton hafi fyrst borist vel­gjörð­ar­mönnum hennar í tölvu­pósti í dag. Kosn­inga­stjóri henn­ar, John Podesta, skrif­aði tölvu­póst­inn, en í honum stóð: „Ég vildi tryggja að þið mynduð heyra þetta fyrst frá mér - það er opin­bert, Hill­ary ætlar að bjóða sig fram til for­seta.“

Eins og kunn­ugt er tap­aði Clinton fyrir Barack Obama, sitj­andi Banda­ríkja­for­seta, í bar­átt­unni um útnefn­ingu Demókrata-­flokks­ins árið 2008. Hljóti hún útnefn­ingu flokks­ins nú, verður hún fyrsta konan sem hlýtur slíka útnefn­ingu frá öðrum af stóru stjórn­mála­flokk­unum í Banda­ríkj­un­um. Flestir eru þó á því að hún eigi útnefn­ing­una vísa, enda nýtur Clinton mik­illa vin­sælda vestan hafs, og þá sér­stak­lega á meðal kvenna, svo mik­illa í raun að Obama sá sig til­neyddan til að gera hana að utan­rík­is­mála­ráð­herra í rík­is­stjórn sinni.

Hill­ary Clint­on, sem er 67 ára göm­ul, er að sjálf­sögðu öllum hnútum kunn í Hvíta hús­inu eftir að hafa búið þar í átta ár, eða á meðan eig­in­maður hennar Bill Clinton gegndi emb­ætti Banda­ríkja­for­seta á árunum 1993 til 2001.

Sjá spá­nýtt kosn­inga­mynd­band Hill­ary Clint­on, sem birt var á Youtube í dag.