Hjartnæm ræða Jónasar Sig við borgaralega fermingu vekur athygli

J.nas_.Sigur_.sson_.jpg
Auglýsing

Tón­list­ar­mað­ur­inn Jónas Sig­urðs­son flutt­i hjart­næma ræðu við borg­ara­lega ferm­ingu í Reykja­nesbæ um helg­ina, sem hefur vakið athygli á net­inu og farið víða. Rúm­lega þús­und manns hafa til að mynda „lækað“ ræð­una á vef­síðu Sið­menntar.

Í ræðu sinni brýndi Jónas fyrir ferm­ing­ar­börn­unum að vera þau sjálf og sagði: „Það hefur lík­lega sjaldan verið eins flókið að vera ung­lingur eins og núna. Heim­ur­inn hefur breyst svo mik­ið. Þið hafið lík­lega mesta frelsi sem nokkur kyn­slóð ungs fólks hefur haft á Íslandi. Þið hafið aðgang að ótrú­leg­ustu upp­lýs­ing­um. Bæði að öllu því fal­lega þarna úti sem fólk er að gera og einnig því ljóta. Í þessu fel­ast mikil tæki­færi en um leið miklar áskor­an­ir.“

„Slakið á, þið eruð frá­bær ­ná­kvæm­lega svona“



Þá fjall­aði tón­list­ar­mað­ur­inn um þá miklu mark­aðs­setn­ingu sem beint er gegn ungu fólki og hvernig hún geti gefið ranga mynd af líf­inu og haft áhrif á for­gangs­röð­un. „En maður veit bara oft ekk­ert svo vel hvað manni langar að gera eða verða. Þess vegna segi ég aftur við ykk­ur: Slakið á. Þið eruð algjör­lega frá­bær nákvæm­lega svona. Bara hlusta á hjartað og vera maður sjálf­ur. Í góðum fíl­ing.”

Þá hvatti Jónas ferm­ing­ar­börnin til að hætta aldrei að spyrja spurn­inga, og veita „full­orðna“ fólk­inu aðhald. „Málið er að ungt fólk eins og þið eruð algjör­lega nauð­syn­leg til að koma hreyf­inga á hlut­ina. Ungt fólk spyr nefni­lega spurn­inga eins og „AF HVERJU?“ Full­orðna fólkið svarar þá gjarnan „ÞETTA ER BARA SVONA,  HÆTTU AÐ SPYRJ­A.“  En ég segi .. aldrei hætta að spyrja. Við þurfum að spyrja eins og börn: af hverju eiga sumir ekki fyrir mat? Af hverju svelta sum börn? Af hverju eru sumir full­orðnir svona pirraðir og óþol­in­móð­ir? Af hverju þurfa bankar að græða svona mik­ið? Þarf maður að vinna ef manni finnst það leið­in­legt? Af hverju þarf maður yfir höfuð að gera eitt­hvað leið­in­leg­t?“

Auglýsing

Bannað að hugsa illa um sjálfan sig



Þá gaf tón­list­ar­mað­ur­inn ferm­ing­ar­börn­unum heil­ræði út í líf­ið. „Það er: Bannað að hugsa illa um sjálfan sig, bannað að horfa í spegil og hugsa „ekki nógu gott,“ bannað að vera sig saman við aðra, helst að vera í góðum fíl­ing og hlusta á það hvernig manni líð­ur, aldrei láta neinn tala sig út í að gera eitt­hvað sem manni líður ekki vel með, og að lokum að koma fram við alla aðra eins og þú vilt að aðrir komi fram við þig. Sem sagt umgang­ast aðra eftir þessum sömu reglum og þið umgang­ist ykkur sjálf.“

„Þegar þú hins­vegar verður besta útgáfan af sjálfum þér og lifir í friði við guð og menn þá tapar eng­inn. Svo getur maður nefni­lega sett sér mark­mið og notið þess að ná mark­miðum sín­um. En það er þá ekki til að sanna fyrir heim­inum að maður sé ein­hvers virði. Heldur ein­fald­lega til að njóta lífs­ins og hafa gaman af þessum tíma sem okkur er úthlutað í þessum stór­merki­lega og skrýtna heimi umkringd frá­bæru fólki eins og ykk­ur. Og það merki­lega er að þannig breytum við heim­inum lík­a,“ sagði Jónas Sig­urðs­son tón­list­ar­maður í ræðu sinni við borg­ara­lega ferm­ingu Sið­menntar í Reykja­nesbæ á laug­ar­dag­inn.

Bankahöllin sem eigandinn vill ekki en er samt að rísa
Þegar íslensku bankarnir voru endurreistir úr ösku þeirra sem féllu í hruninu var lögð höfuðáhersla á að stjórnmálamenn gætu ekki haft puttanna í þeim.
Kjarninn 20. september 2019
Hrun fuglastofna í Norður-Ameríku vekur upp spurningar
Ný grein í Science greinir frá niðurstöðum viðamikilla rannsókna á fuglalífi í Norður-Ameríku.
Kjarninn 20. september 2019
Amazon lagði inn pöntun fyrir 100 þúsund rafmagns sendibíla
Nýsköpunarfyrirtækið Rivian sem er með höfuðstöðvar í Michigan er heldur betur að hrista upp í sendibílamarkaðnum.
Kjarninn 19. september 2019
Jón Steindór Valdimarsson, þingmaður Viðreisnar, er fyrsti flutningsmaður frumvarpsins.
Þingmenn fjögurra flokka fara fram á fullan aðskilnað ríkis og kirkju
Lögð hefur verið fram þingsályktunartillaga um að frumvarp um aðskilnað ríkis og kirkju verði lagt fram snemma árs 2021 og að sá aðskilnaður verði gengin í gegn í síðasta lagi 2034.
Kjarninn 19. september 2019
Guðmundur Ingi Guðbrandsson
Hamfarahlýnun – gripið til mikilvægra aðgerða
Kjarninn 19. september 2019
Að jafnaði eru konur líklegri en karlar til að gegna fleiri en einu starfi.
Talsvert fleiri í tveimur eða fleiri störfum hér á landi
Mun hærra hlutfall starfandi fólks gegna tveimur eða fleiri störfum hér á landi en í öðrum Evrópuríkjum. Þá vinna fleiri Íslendingar langar vinnuvikur eða tæp 18 prósent.
Kjarninn 19. september 2019
Árni Pétur Jónsson, forstjóri Skeljungs, stýrði áður Basko.
Skeljungur fær undanþágu vegna kaupa á Basko
Samkeppniseftirlitið hefur heimilað samruna Skeljungs og Basko með skilyrðum. Kaupverðið er 30 milljónir króna og yfirtaka skulda.
Kjarninn 19. september 2019
Sigmundur Davíð Gunnlaugsson, formaður Miðflokksins.
„Við getum ekki brugðist við með því að reyna að lifa eins og í sænskri hippakommúnu“
Formaður Miðflokksins segir að leyfa verði vísindum að leysa loftslagsvandann í stað þess að bregðast við með því að reyna að lifa eins og í sænskri hippakommúnu.
Kjarninn 19. september 2019
Meira úr sama flokkiInnlent
None