Sveit­ar­fé­lögin á höf­uð­borg­ar­svæð­inu hafa sam­ein­ast um stefnu og skipu­lag svæð­is­ins til árs­ins 2040. Hryggjar­stykkið í stefn­unni er að koma á fót nýju létt­lestar- eða hrað­vagna­kerfi sem á að verða raun­hæfur val­kostur í sam­göngum og á að gegna lyk­il­hlut­verki við að breyta ferða­venj­um. Þetta kerfi er nefnt Borg­ar­línan og mun tengja kjarna sveit­ar­fé­lag­anna.

Allar sveit­ar­stjórn­ir, í Garða­bæ, Hafn­ar­firði, Kjós­ar­hreppi, Kópa­vogi, Mos­fells­bæ, Reykja­vík og Sel­tjarn­ar­nesi, hafa sam­þykkt þetta nýja svæð­is­skipu­lag og Skipu­lags­stofnun hefur stað­fest það. Sam­kvæmt stefn­unni, sem heitir Höf­uð­borg­ar­svæðið 2040, munu sveit­ar­fé­lögin hafa með sér náið sam­starf auk þess sem stefnan er sam­eig­in­leg stefna í skipu­lags­málum og um hag­kvæman vöxt svæðs­ins næstu 25 árin. „Enda er höf­uð­borg­ar­svæðið eitt búsetu­svæði, einn atvinnu- og hús­næð­is­mark­aður með­ ­sam­eig­in­leg grunn­kerfi, úti­vist­ar­svæði, auð­lindir og nátt­úru.“

Vöxtur höf­uð­borg­ar­svæð­is­ins hefur verið mik­ill síð­ustu ára­tugi og byggðin hefur dreifst um óvenju stórt svæði, segir í stefnu sveit­ar­fé­lag­anna. „Fjölgun íbúa mun halda áfram og árið 2040 verða þeir farnir að nálg­ast 300.000, gangi spár eft­ir. Með auknum vexti blasa við flóknar áskor­an­ir, fyr­ir­séðar og ófyr­ir­séð­ar, sem íbúar svæð­is­ins standa frammi fyr­ir.“ Lyk­il­at­riði sé að vöxt­ur­inn sem er fyr­ir­séður verði hag­kvæmur og gangi ekki á umhverf­is­gæði þeirra sem búa fyrir á svæð­inu. „Það er því nauð­syn­legt að fyr­ir­sjá­an­legri fólks­fjölgun verði mætt án þess að bíla­um­ferð auk­ist í sama hlut­falli og án þess að óbyggt land verði brotið í sama mæli og gert var síð­ustu ára­tug­i.“

Því verður Borg­ar­lín­unni hrundið í fram­kvæmd og vinna við það á að hefj­ast strax á næst­unni í sam­vinnu við Vega­gerð­ina.