Það má mögu­lega vera að Sony-­lek­inn sé enn þá svo fersk frétt að hún virð­ist vera við fyrsta yfir­lit sú stærsta úr Hollywood í ár. Ég er búin að fara laus­lega yfir árið og það voru nokkur atriði sem svo sann­ar­lega stóðu upp úr á árinu en Sony lek­inn er stærsta mál­ið. Helsta ástæða þess að þetta er stærsta fréttin er það sem við vitum ekki um lek­ann.

Rekjum málið í grófum drátt­um. 17.des­em­ber síð­ast­liðin gáfu banda­rísk stjórn­völd í skyn að Norð­ur­-Kórea hafi átt lyk­il­þátt í Sony „hakk­in­u“. Strax dag­inn eftir stígur Josh Ear­nest, fjöl­miðla­full­trúi Hvíta húss­ins, fram og kallar „hakk­ið“ alvar­legt þjóðar­ör­ygg­is­mál. Was­hington Post stuttu síðar segir að Norður Kórea hafi á prjón­unum hryðju­verka­hót­anir og muni ógna bíófar­endum sem voga sér að fara á mynd­ina „The Intervi­ew“. Um er að ræða kjána­lega grín­mynd þar sem Kim Jong Un er ráð­inn af dögum og er megin ástæða reiði vegna hennar að baki lek­ans, svo er talið þegar þetta er rit­að. Norður Kórea neitar allri sök opin­ber­lega en alrík­is­lög­reglan FBI seg­ist geta stað­fest að „hakk­ið“ sé sann­ar­lega frá þeim kom­ið.

Allir topp­arnir hjá Sony skulfu í bux­unum og hvert bíó­húsið á fætur öðru hætti við að sýna mynd­ina. Þetta end­aði með ákvörðun um að taka mynd­ina af dag­skrá alfarið en áætl­aður frum­sýn­ing­ar­dagur var 25.des­em­ber. Ótti bíó­hús­anna var rök­studdur þannig að ef ein­hver slys yrðu á bíó­gestum þá færu þeir í mál við bíó­húsið og bíó­húsið færi þá í mál við Sony fyrir að hafa ekki komið í veg fyrir hryðju­verka­árás­ir. Hlut­irnir æxl­uð­ust mjög hratt og Obama sá sig til­neyddan til að gefa út yfir­lýs­ingu þar sem hann lýsti yfir von­brigðum sínum á Sony fyrir að hafa tekið mynd­ina af dag­skrá. Hann hefði viljað að þeir hefðu talað við sig fyrst því að Banda­ríkin lúffa ekki fyrir hryðju­verka­hót­unum og semja ekki við glæpa­menn með hót­un­um.

Umræðan um að sýna mynd­ina eða ekki náði hæstu hæðum sem end­aði með því að hún var sýnd og fólk mætti með amer­íska fán­ann og sýndi sam­stöðu með mynd­inni. Myndin gat vænt­an­lega ekki fengið betri ókeypis aug­lýs­ingu og áður en hún kom út var hún orðin að eins konar frels­is­hetju, hold­gerv­ings frels­ins. Fyrir vikið er núna önnur umræða komin í gang sem er: Var þetta allt plan­að? Var þessi leki alvöru hótun frá Norður Kóreu eða massíf fjöl­miðla­á­hætta sem Sony tók? Ég hall­ast sjálf að því að þetta hafi verið „hakk“ og árás á Sony kvik­mynda­verið því að vand­ræða­legir raf­póstar frá Amy Pascal, yfir­manni Sony, til ann­arra toppa og leik­ara hafa sann­ar­lega ekki hjálpað neinum þar inn­an­húss og hrein­lega orðið til þess að fólk var látið fjúka.

Það er vitað mál í verk­færa­kassa blaða­full­trú­ans hérna að smella inn fréttum af skiln­aði skjól­stæð­inga sinna um jólin.

Ég á bágt með að trúa því að þeir myndu taka slíka áhættu enda miklir fjár­munir í húfi fyrir að sýna mynd­ina ekki og mikið högg á almenn­ings­á­liti gagn­vart Sony. Annað sem er verið að ræða er að mögu­lega sé þetta fyrr­ver­andi starfs­maður Sony og er stað­fest að kona sem var hátt sett í tölvu­deild þeirra hafi verið rekin á árinu. Sam­kvæmt sögu­sögnum var hún feiki­lega fær og algjör­lega búin þeim hæfi­leikum og starfs­reynslu til að leka út raf­póst­unum til að koma höggi á sinn gamla vinnu­stað. Ef þetta er hins vegar „stunt“ frá A-Ö og það kemst upp er víst að það sé skaði sem Sony kvik­mynda­verið mun aldrei geta heilt frá gegn­ið.

Skiln­aðir á árinu

Skiln­að­ar­aldan er sjaldan stök hérna í borg englanna og eng­inn sem sleppur undan henni að manni virð­ist. Flest hjóna­bönd stjarn­anna enda í skiln­aði og þau örfáu sem halda verða að ævin­týr­an­legum fyr­ir­myndum eins og Paul Newman og frú. Það er vitað mál í verk­færa­kassa blaða­full­trú­ans hérna að smella inn fréttum af skiln­aði skjól­stæð­inga sinna um jól­in. Þetta er gert vilj­andi til að drekkja frétt­inni í súp­unni af jóla­fréttum og fári. Og árið í ár er engin und­an­tekn­ing.

Clint Eastwood og frú skildu núna í des eftir 19 ára hjóna­band. Kannski var það stóla ræðan hans á þingi Repu­blik­ana sem gerði úts­lagið hjá Dinu. Íslands­vin­ur­inn, Neil Young skildi við Pegi Young eftir 37 ára hjóna­band og hopp­aði beint í glæ­nýtt sam­band með leikkon­unni Darryl Hannah, en á milli þeirra er nú reyndar ekki nema 15 ár. Söng­fugl­inn Mariah Carey og Nick Cannon skildu líka þetta árið en þau höfðu nán­ast lifað í sundur í lengri tíma enda Nick ofsa­lega upp­tek­inn af því að vinna í Amer­ica´s got talent. Saman eiga þau tví­burana Mari­lyn og Mor­rocan, jebb strák­ur­inn heitir Mor­roc­an.

Sér­stakasti skiln­aður árs­ins er “hug­læga afpör­un­in” hjá leikkon­unni Gwy­neth Pal­trow og Chris Martin úr Cold­play. Hún skellti fram þessu hug­taki „af­pör­un“ þar sem þeim þætti ógur­lega vænt um hvort annað og ætla að eiga fjöl­skyld­una sína áfram án þess að þau tvö séu par leng­ur. Hann grét ekki lengi í kodd­ann sinn og fór að hitta Jenni­fer Lawrence. Ant­onio Band­eras og Mel­enie Griffith skildu eftir 18 ár af hjóna­bandi en það lifði mun lengur en flest alla grun­aði en hjóna­bandið þeirra hefur verið hund­elt af fjöl­miðlum og sögu­sögnum um að enda­lokin væru nálægt. Allra nýjasta parið sem sem féll í val­inn rétt fyrir jól eru þau Hel­ena Bon­ham Carter og Tim Burton en þau voru saman í 13 ár en giftu sig aldrei.

Elevator Gate

Skandall árs­ins sam­kvæmt mínum stöðlum er lyftu­óperan á Met gala góð­gerð­ar­kvöld­inu í New York í maí­mán­uði á árinu sem er að líða. Við nátt­úru­lega erum ekk­ert að tala um neina for­sendu­bresti, afsagnir ráð­herra eða neitt slíkt heldur erum við að tala um Solange Know­les, systir Beyoncé.

Draumaparið Beyoncé og Jay Z fóru á þetta fína ball og eftir að því var lokið fara þau 3 í lyftu ásamt líf­verði bless­un­ar­lega. Eitt­hvað hefur Jay Z sagt við Solange því hún tromp­að­ist og réð­ist á hann sparkandi, garg­andi og kýlandi. Myndir náð­ust af þeim vand­ræða­lega bros­andi trítlandi út úr lyft­unni út í glæsi­bið­reiðar þar sem þær systur fóru saman í bíl og Jay fór einn í bíl. Þetta hefði lík­lega ekki kviss­ast út nema að örygg­is­vörður á hót­el­inu sem þau voru á seldi mynd­bandið úr lyft­unni til slúð­ur­miðla fyrir um 250.000 doll­ara eða um 31 milljón íslenskra króna.

Úr varð skandall sem skók popp heim­inn og sögu­sagnir um að hjóna­band Bey og Jay Z stæði á brauð­fótum náðu hæstu hæð­um. Þau stóðu af sér mesta stór­sjó­inn og í raun komment­uðu sem minnst um þetta mál. Eina útskýr­ingin sem kom fram var að þau væru venju­legt fólk og sem fjöl­skylda kæmu upp hita­mál sem færu úr bönd­un­um. Reyndar sagði Beyoncé í end­ur­hljóð­blöndun á Flawless lagi sínu að „...þegar þú ert með billjón doll­ara í lyftu þá mun allt verða vit­laust“. En þetta virð­ist ekki hafa skaðað Bey og Jay þar sem þau fóru á einn stærsta túr á ferl­inum sínum í sumar og miða­salan stóð ekki á sér. Þar spil­uðu þau á skiln­að­ar­sög­urnar með drama­tík og laga­vali og héldu okkur aðdá­endum í andnauð, ósk­andi að þau myndu aldrei skilja. En svo virð­ist sem að allt hafi bless­ast hjá þeim ef maður dæmir af mynd­unum frá nýaf­stað­inni Íslands­för þeirra þá virð­ast þau voða­lega ham­ingju­söm að sjá. Vonandi ná þau fram­hjá næstu jólum skiln­að­ar­laust.