Sænski hús­gagna­ris­inn IKEA var með 35,9 millj­arða evra, eða tæp­lega 5.000 millj­arða króna, í tekjur á síð­asta fjár­hags­ári sínu sem lauk 31. ágúst. Þetta kemur fram í upp­gjör árs­ins sem opin­berað var í dag, en tekjur juk­ust um 11,2 pró­sent milli ára.

Munar mest um magn­aðar  mót­tökur sem versl­anir IKEA hafa fengið í Kína og víðar í Asíu, en vöxt­ur­inn milli ára er nær allur á Kína­mark­aði.

IKEA hefur sótt veru­lega í sig veðrið á mörk­uðum sem nú eru í nokk­urri nið­ur­sveiflu, meðal ann­ars í Rúss­landi og Bras­il­íu, en svo virð­ist sem fólk sæki í vörur fyr­ir­tæk­is­ins, fremur en aðr­ar, þegar þrengja tekur að fjár­hagnum enda er lágt vöru­verð og sjálfs­af­greiðsla við sam­setn­ingu aðals­merki þessa stærsta smá­sölu­að­ila hús­gagna á heims­vísu.

Heild­ar­velta IKEA á ári, sam­svarar um 2,5 sinnum árlegri lands­fram­leiðslu Íslands, en hún var tæp­lega tvö þús­und millj­arðar í fyrra.

IKEA full-year sales - $35.79 billion - rise 11.2% on China boost htt­p://t.co/HJFJs­huEQT

— Gary Lewis (@slidemon­goose) Sept­em­ber 10, 2015