Und­ir­rit­aður hefur verið tví­hliða samn­ingur milli Íslands og Græn­lands um gull­karfa. Samn­ing­ur­inn er til þriggja ára og felur í sér skipt­ing­una 90 pró­sent fyrir Ísland og tíu pró­sent fyrir Græn­land. Auk þess er gert ráð fyrir 350 tonna afla ann­arra þjóða á hverju ári samn­ings­ins, að því er segir í til­kynn­ingu

Í samn­ingnum er ákveðin nýt­ing­ar­á­ætlun sem felur í sér afla­reglu, sem er sú hin sama og íslensk stjórn­völd sam­þykktu á síð­asta ári eftir að Alþjóða­haf­rann­sókna­ráðið yfir­fór hana með til­liti til hámarks lang­tíma afrakst­urs og alþjóð­legra var­úð­ar­sjón­ar­miða.

Jafn­framt var gerður samn­ingur um land­anir græn­lenskra skipa í íslenskum höfnum fyrir árið 2015. Geta græn­lensk skip á þessu ári landað allt að 50 þús­und tonnum af mak­ríl og fimmtán þús­und tonnum af norsk-­ís­lenskri síld.

„Góð sam­skipti Íslands og Græn­lands á sjáv­ar­út­vegs­sviði eru afar þýð­ing­ar­mikil báðum þjóð­um. Þessi samn­ingur mun styrkja enn frekar sam­starf þess­ara þjóða og tryggja ábyrgar veiðar úr þessum sam­eig­in­lega stofni þjóð­anna,“ segir í til­kynn­ingu frá stjórn­völdum vegna samn­ings­ins.

For­maður samn­inga­nefndar Græn­lands var Emanuel Ros­ing skrif­stofu­stjóri í græn­lenska sjáv­ar­út­vegs­ráðu­neyt­inu og for­maður þeirrar íslensku var Jóhann Guð­munds­son skrif­stofu­stjóri í atvinnu­vega- og nýsköp­un­ar­ráðu­neyt­inu.