Íslenska hug­bún­að­ar­fyr­ir­tækið Modio, sem var stofnað fyrir tæpum tveimur árum síð­an, hefur verið selt til alþjóð­lega hug­bún­að­ar­fyr­ir­tæk­is­ins Autodesk. Kaupin voru kynnt í dag en þau gengiu í raun í gegn í októ­ber síð­ast­liðn­um. Að sögn Hilm­ars Gunn­ars­son­ar, stofn­anda og for­stjóra Modio,  verður kaup­verðið ekki gefið upp. „Kaup­verðið er trún­að­ar­mál. En við vorum mjög sátt­ir.“

Hilmar stofn­aði Modio, sem þróar app fyrir snjall­síma og spjald­tölvur sem gerir hverjum sem er kleift að hanna skemmti­leg módel úr margs­konar ein­ingum og þrí­vídd­ar­prenta þau með lít­illi fyr­ir­höfn vorið 2013. Hann fjár­magn­aði félagið að öllu leyti sjálfur utan þess að tveir félagar hans gerð­ust litlir hlut­haf­ar.

Hann er því að vonum glaður með nið­ur­stöð­una. „Það er gaman að þetta skyldi ganga svona hratt í gegn. Félagið er búið að vera í gangi í rúmt eitt og hálft ár og þetta er ótrú­legur árangur á svona skömmum tíma.“

Von á fjölgun á Íslandi

Modio kom fyrst á markað í maí 2014 og náði miklum vin­sældum meðal áhuga­manna um þrí­vídd­ar­prent­un. Síðan að kaup Autodesk gengu í gegn í októ­ber hefur verið unnið að nýrri útgáfu af app­inu sem nefn­ist nú Tin­kerplay. Nýja útgáfan af app­inu var kynnt í dag sam­hliða kaup­unum á Modio.

Í frétta­til­kynn­ingu kemur fram að Autodesk hygg­ist áfram rekstri þró­un­ar­skrif­stofu á Íslandi undir merkjum Autodesk með áherslu á þróun á Tin­kerplay og sam­þætt­ingu apps­ins við aðrar vörur Autodesk. Hilmar segir líkur á að þró­un­ar­skrif­stofan hér­lendis muni vaxa. „Við vorum fjórir þegar við gengum frá söl­unni í októ­ber og það eru þegar búnir að bæt­ast tveir við á síð­ustu vik­um. Það má því búast við því að þeim fjölgi eitt­hvað í við­bót.“

Hilmar starf­aði á árum áður um ára­bil hjá OZ á Íslandi og í Kanada og stýrði meðal ann­ars sölu­ferl­inu þegar OZ var selt til Nokia árið 2008. Hilmar hefur auk þess fjár­fest með góðum árangri í ýmsum íslenskum sprota­fyr­ir­tækjum á borð við Data­Mar­ket og Caoz á und­an­förnum árum.