Árlega birtir emb­ætti rík­is­skatt­stjóra álagn­ing­ar­skýrslur yfir skatt­greiðslur allra Íslend­inga. Áhuga­samir geta þar nálg­ast upp­lýs­ingar um hvað náung­inn gaf upp sem tekjur á síð­asta skatta­ári út frá því sem hann greiddi til sam­neysl­un­ar.

Til­gangur þessa fyr­ir­komu­lags er að minnka skatt­svik. Birt­ingin á að hafa for­varn­ar­gildi og tölur frá Nor­egi, þar sem gengið var enn lengra í opin­berri birt­ingu á upp­gefnum tekjum fyrir rúmum ára­tug, sýna að hún dregur úr skattsvik­um.

Þetta fyr­ir­komu­lag hefur farið mjög fyrir brjóstið á ákveðnum hluta Sjálf­stæð­is­flokks­ins og sér­stak­lega ung­liða­hreyf­ingu hans. Þar er sú skoðun ríkj­andi að tekjur hvers og eins séu hans einka­mál og að það brjóti í bága við frið­helgi einka­lífs­ins að aðrir geti fengið að vita hvað hver og einn fær í laun.

Nú er svo komið að þing­maður flokks­ins, Sig­ríður Á. And­er­sen, ætlar sér að leggja fram frum­varp sem kemur í veg fyrir birt­ingu álagn­ing­ar­skránna á næsta þingi. Það hefur hún reyndar gert áður en í þetta skiptið seg­ist hún hafa stuðn­ing þing­flokks Sjálf­stæð­is­flokks­ins fyrir mál­inu.

Verði frum­varpið að lögum mun það þýða að mun minna gagn­sæi verður varð­andi það hvernig launa­greiðslur skipt­ast milli lands­manna. Erf­ið­ara verður að fylgj­ast með þróun launa á milli stétta og tekju­hópa og tæki­færi almenn­ings til að veita aðhald skerð­ast.

Í krafti frelsis hvers og eins til að græða eins mikið og hann lystir í friði á að kasta leynd­ar­hjúp yfir skipt­ingu kök­unn­ar.

Það er vert að velta því fyrir sér hvort þetta sé þróun sem við vilj­um.