Jón Steinar Gunn­laugs­son hrl., og fyrr­ver­andi dóm­ari við Hæsta­rétt, segir nauð­syn­legt að breyta starfs­skil­yrðum Hæsta­rétt­ar. Álagið á dóm­inn sé mikið og það bitni á rétt­ar­rík­inu. Þá sé eðli­legt að stjórn­mála­menn skipi dóm­ara við rétt­inn, enda ábyrgð þeirra og umboð til starfa skýrt og skil­merki­legt, á meðan nefndir sér­stak­lega skip­aðar fólki út í bæ til að segja til um skipan dóm­ara hafi, ef eitt­hvað er, óljós­ara umboð til sinna starfa. Hann hélt erindi um þessi mál 20. maí síð­ast­lið­inn, en erindið nefnd­ist Hæsti­réttur - Hvað er að og hvað þarf að gera til úrbóta? Það hefur nú verið birt í heild sinni á vefn­um, en fá dæmi, ef þá nokk­urt, eru um að fyrr­ver­andi Hæsta­rétt­ar­dóm­ari gagn­rýni dóm­inn með jafn afger­andi hætti og raun ber vitni.

Jón Steinar fer ítar­lega yfir það í bók sinni, Í krafti sann­fær­ing­ar, að Hæsti­réttur glími við inn­an­mein vegna gríð­ar­lega álags. Hann segir úrbætur á starfs­skil­yrðum rétt­ar­ins eitt mik­il­væg­asta hags­muna­mál íslensks sam­fé­lags.

https://www.youtu­be.com/watch?v=YPRSip­f-8ic