Sænski her­inn hefur hætt leit sinni í skerja­garð­inum utan við Stokk­hólm að því sem talið var vera erlendur kaf­bát­ur. Leit­in stóð í viku án nokk­urra skýr­inga á því hvað sjón­var­vottar sáu. Hund­ruð til­kynn­inga bár­ust yfir­völdum frá fólki sem sagð­ist hafa séð furðu­hluti stinga upp koll­inum í haf­inu milli eyj­anna.

„... hvers vegna hefur verið skorið svo harka­lega niður í hern­að­ar­málum ef sænsk land­helgi hefur ítrekað verið brotin?“

And­ers Grenstad, aðmíráll í sænska sjó­hern­um, sagði á blaða­manna­fundi í morgun að her­inn hafi verið að leita að litlu sjó­fari und­an­farna daga, ekki að stórum hefð­bundnum kaf­báti. Tals­maður hers­ins sagði upp­lýs­inga­grein­endur hers­ins hafa kom­ist að nið­ur­stöðu um að sjó­farið sé nú horfið úr sænskri lög­sögu. Atvikið væri aftur á móti „óá­sætt­an­leg­t“.

Orustu­skip, tund­ur­spill­ar, þyrlur og meira en 200 manns leit­uðu á nokkuð stóru svæði í um 30 til 60 kíló­metra fjar­lægð frá höf­uð­borg­inni alla vik­una. Her­inn hefur ekki viljað vísa ábyrgð á nokk­urt annað ríki, þó Rússar hafi verið taldir lík­leg­ast­ir. „Ég hef aldrei bent á ein­staka rík­i,“ sagði Grenstad á blaða­manna­fund­in­um.

Ára­löng rann­sókn

Jafn­vel þó sjó­her­inn hafi leitað af miklum krafti und­an­farna viku vakti það athygli um síð­ast­liðna helgi þeg­ar G­enstad sagði að her­inn hafi verið að kort­leggja „er­lendar aðgerðir neð­an­sjáv­ar“ í lög­sögu Svía und­an­farin ár. Hern­að­ar­sér­fræð­ingar hafa velt vöngum yfir þessum yfir­lýs­ing­um.

„Ef þetta er til­fellið, hvers vegna hafa þessar upp­lýs­ingar stoppað hjá stjórn­mála­mönn­um? Hvers vegna hafa þeir ekki verið upp­lýst­ir? Og enn frem­ur; hvers vegna hefur verið skorið svo harka­lega niður í hern­að­ar­málum ef sænsk land­helgi hefur ítrekað verið brot­in?“ spyr Johanne Hildebr­andt.