Katrín Odds­dóttir for­maður Stjórn­ar­skrár­fé­lags­ins bendir á í færslu á Face­book í dag að stefnu­breyt­ing hafi orðið hjá Vinstri grænum varð­andi nýju stjórn­ar­skrána.

Vísar hún í ályktun lands­fundar VG sem birt var í gær. „En í 30. máls­grein má síðan finna nýja stefnu flokks­ins um stjórn­ar­skránna. Þar seg­ir: „Halda þarf áfram end­ur­skoðun stjórn­ar­skrár­inn­ar. Löngu er tíma­bært að ný ákvæði um auð­lindir í þjóð­ar­eign og umhverf­is- og nátt­úru­vernd hljóti afgreiðslu Alþingis en einnig þarf að ráð­ast í tíma­bærar breyt­ingar á öðrum köfl­um. End­ur­skoða þarf mann­rétt­inda­kafla stjórn­ar­skrár­innar meðal ann­ars með hlið­sjón af rétt­inum til mennt­un­ar, heil­brigðis og lífs­við­ur­vær­is.”,“ skrifar hún.

Katrín ber saman þessa stefnu við stefnu flokks­ins í sama máli árið 2017 en þá var nýja stjórn­ar­skráin í stefn­unni. „Ljúkum þeirri vinnu sem hófst með þjóð­fund­inum 2010 og klárum nýja stjórn­ar­skrá sem byggir á til­lögum Stjórn­laga­ráðs,” sagði í stefn­unni frá árinu 2017.

Skárra að „þau séu loks­ins heið­ar­leg“

Veltir Katrín fyrir sér þess­ari kúvend­ingu. „Eftir þetta kjör­tíma­bil þyrfti það svo sem ekki að koma neinum á óvart að VG vilji ekki nýju stjórn­ar­skrána og kannski er skárra að þau séu loks­ins heið­ar­leg með þetta frekar en þykj­ast vilja virða nið­ur­stöðu þjóð­ar­at­kvæða­greiðsl­unnar til að næla sér í atkvæði fyrir kosn­ing­ar.“

Katrín seg­ist bera virð­ingu fyrir nöfnu sinni, Katrínu Jak­obs­dóttur for­manni VG. „Í mínum huga er þó ljóst að ef kjós­andi vill leggja áherslu á að Alþingi virði nið­ur­stöðu þjóð­ar­at­kvæða­greiðsl­unnar frá 2012 um að leggja nýju stjórn­ar­skrána til grund­vallar sem stjórn­ar­skrá Íslands, ætti hann alls ekki að ráð­stafa sínu atkvæði til VG.“