Lækna­ráð Land­spít­al­ans segir að full­yrð­ingar stjórn­valda um aukin fram­lög til spít­al­ans stand­ist ekki skoðun þegar búið sé að taka til­lit til vísi­tölu­breyt­inga, og ekk­ert til­lit sé tekið til vax­andi eft­ir­spurnar eftir þjón­ustu á spít­al­an­um. Þetta kemur fram í nýrri ályktun frá lækna­ráð­inu.

Læknar lýsa því „enn og aftur yfir von­brigðum með skiln­ings­leyfi fjár­veit­ing­ar­valds­ins á starf­semi Land­spít­al­ans.“ Hlutur spít­al­ans í fjár­laga­frum­varp­inu dugi ekki til að halda í horf­inu miðað við verð­lags- og launa­þróun og van­rækslu síð­ustu ára.

Því er skorað á Alþingi að end­ur­skoða fjár­laga­frum­varpið „með  það að leið­ar­ljósi að tryggja Land­spít­al­anum nauð­syn­lega fjár­veit­ingu til að geta hafið upp­bygg­ing­ar­skeið sem stuðlar að fram­þróun starf­sem­inn­ar. Lækna­ráð leggur áherslu á að batn­andi staða rík­is­sjóðs nýt­ist til upp­bygg­ingar á Land­spít­ala eins og þjóðin hefur ein­huga lýst yfir að vilji hennar standi til.“

Þá segir lækna­ráð að það þurfi að end­ur­reisa þá grunn­stoð íslensks heil­brigð­is­kerfis sem spít­al­inn sé. „Það verður ekki gert nema með veru­lega auknu fjár­magni til rekst­urs spít­al­ans og fyrir nýjum fram­kvæmd­um. Nú er komið að skulda­dög­um. Ekki er nægi­legt að halda í horf­inu heldur þarf veru­lega inn­spýt­ingu af fjár­magni til að snúa við óheilla­þróun und­an­far­inna ára.“