Hagn­aður Lands­bank­ans á fyrsta árs­fjórð­ungi 2015 var 6,4 millj­arðar króna eftir skatta. Það er 2,1 millj­arði krónum meiri hagn­aður en á sama tíma­bili í fyrra. Þetta kemur fram í til­kynn­ingu bank­ans til Kaup­hallar. Íslenska ríkið á Lands­bank­ann að mestu, en lítil hlutur er í eigu starfs­manna hans.

Í til­kynn­ing­unni segir að aðrar rekstr­ar­tekjur bank­ans en af grunn­rekstri á árs­fjórð­ungnum hafi verið um fimm millj­arða króna og þær séu að miklum hluta til komnar vegna auk­ins hagn­aðar af hluta­bréf­um. Lands­bank­inn á hlut í nokkuð mörgum skráðum félög­um. Þau eru Reg­inn, Reit­ir, Mar­el, N1, Voda­fone og Nýherji.

Lands­bank­inn er áfram með mesta mark­aðs­hlut­deild í nýjum íbúða­lán­um. Á fyrsta fjórð­ungi juk­ust þau veru­lega og námu ný lán 12,8 millj­örðum króna, en voru 8,5 millj­arðar á sama tíma á síð­asta ári. Lands­bank­inn bætti líka lang­mestu við sig af íbúða­lánum allra á síð­asta ári. Alls juk­ust íbúða­lán bank­ans til ein­stak­linga um 39 millj­arða króna. Á sama tíma juk­ust íbúða­lán Arion banka til ein­stak­linga um 13,6 millj­arða króna og íbúða­lán Íslands­banka til ein­stak­linga um 11,0 millj­arða króna.

Hefur hagn­ast mest allra banka frá hruni

Í til­kynn­ing­unni er haft eftir Stein­þóri Páls­syni, banka­stjóra Lands­bank­ans, að staða bank­ans sé áfram sterk og þrátt fyr­ir­  24 millj­arða arð­greiðslu til eig­enda vegna síð­asta rekstr­ar­árs sé eigið fé bank­ans mjög hátt. "Bæði útlán og inn­lán hafa auk­ist umtals­vert og sífellt fleiri eiga í við­skiptum við Lands­bank­ann. Með sam­ein­ingu við Spari­sjóð Vest­manna­eyja fjölgar enn í hópi við­skipta­vina en Lands­bank­inn er vel undir það búinn að taka á móti þeim. Þá fjölgar í hlut­hafa­hópi bank­ans sem er ánægju­legt. Viða­mik­illi stefnu­mótun til næstu fimm ára lauk á fyrsta árs­fjórð­ungi en mark­mið stefn­unnar er að tryggja arð­saman og hag­kvæman rekstur til lengri tíma. Sýn bank­ans er áfram að vera til fyr­ir­myndar og að vera traustur sam­herji sinna við­skipta­vina í fjár­mál­um, að þeir hafi ávinn­ing af við­skipt­unum við bank­ann og það sé gagn­kvæmt. Bank­inn ætlar að vera hreyfi­afl og starfa í sátt við umhverfið og samfélagið þannig að við­skipta­vinir geti sagt: „svona á banki að ver­a“. “

Lands­bank­inn hefur hagn­ast lang­mest allra við­skipta­bank­anna frá hruni. Hann græddi 28,8 millj­arða króna í fyrra og hefur sam­tals rakað inn um 148 millj­örðum króna frá upp­hafi árs 2009.