Eft­ir­stöðvar lána sem Lána­sjóður íslenskra náms­manna (LÍN) hefur veitt íslenskum náms­mönnum frá 1976 til 2014 nema sam­tals um 208 millj­örðum króna, sam­kvæmt nýlega birtum árs­reikn­ingi LÍN fyrir árið 2014. Á síð­asta ári tóku náms­menn náms­lán upp á um 15,8 millj­arða króna, eða um það bil einum millj­arði minna en árið áður.

Lánum LÍN er skipt í fjóra mis­mun­andi flokka eftir því á hvaða árum þau voru veitt. Eft­ir­stöðvar lána sem voru tekin frá árinu 2005, svokölluð G-lán, nema alls tæp­lega 160 millj­örðum króna, eins og sjá má í töfl­unni hér fyrir neð­an.

Lána­flokk­arnir fjórir eru allir verð­tryggðir en lána­kjörin eru mis­mun­andi. Lán veitt frá 1976 til 1992, það eru lán í flokkum V og S, eru verð­tryggð en bera enga vexti. Lán veitt eftir 1992, það eru lán í flokkum R og G, bera eitt pró­sent vexti.

Sam­kvæmt útreikn­ingum LÍN er núvirði útlána sjóðs­ins um 133 millj­arðar króna í árs­lok 2014 en bók­fært verð­mæti útlána, að frá­dregnum afskrift­um, er um 171,5 millj­arðar króna. Mis­mun­ur­inn á núvirði útlána og bók­færðu virði, sam­tals um 39 millj­arðar króna, end­ur­speglar þann við­bót­ar­kostnað sem fylgir því að reka Lána­sjóð­inn út núver­andi láns­tíma. Í árs­reikn­ingnum er þetta skýrt nánar og segir að núvirði sé reiknað miðað við 3,79% ávöxt­un­ar­kröfu. Krafan sam­svarar með­al­vöxtum þeirra lang­tíma­lána sem sjóð­ur­inn hefur tekið hjá rík­is­sjóði. Með öðrum orðum eru vextir af lánum sem sjóð­ur­inn tekur mun hærri en vext­irnir á lánum sem sjóð­ur­inn býður náms­mönn­um.