Malín Brand, önnur kvenn­anna sem var hand­tekin á föstu­dag vegna fjár­kúg­un­ar­máls gegn Sig­mundi Davíð Gunn­laugs­syni for­sæt­is­ráð­herra, seg­ist ekki hafa tekið þátt í því að skrifa bréf til Sig­mundar og því ekki í til­raun til fjár­kúg­un­ar. Hún tjáir sig í við­tali við Vísi. „Kjarni máls­ins er að þarna bland­ast ég inn í atburða­rás sem ég hvorki skipu­lagði né tengd­ist nokkurn hátt nema fjöl­skyldu­bönd­um.“

Hún segir að Hlín Ein­ars­dótt­ir, systir hennar og fyrr­ver­andi rit­stjóri Bleikt.is, hafi skrifað og sent bréf­ið. Hún hafi ekki trúað því að nokkur tæki bréfið alvar­lega. Malín við­ur­kenndi fyrir lög­reglu að hafa haft vit­neskju um málið og að hún keyrði systur sína á vett­vang í Hafn­ar­firði, þar sem for­sæt­is­ráð­herr­ann átti að skilja eftir fjár­muni sam­kvæmt fyr­ir­mælum bréfs­ins. „Ég bíð í bílnum á meðan hún ætlar að athuga hvort sitt ætl­un­ar­verk hafi tek­ist en þegar ég sé í hvað stefnir þá ætla ég bara að keyra í burtu, því þetta var ekki það sem ég hafði hugsað mér,“ segir hún við Vísi.

„Á þessu augna­bliki horfir maður á lífið sitt, sem maður er búinn að byggja upp og hafa mikið fyr­ir, að vera góður blaða­maður og standa sig í vinnu og vera trú­verð­ug­ur, eiga traust fólks, eins og ég hef átt, yfir í það að vera ein­hvern veg­inn höfð að fífli. Dálítið blind­aður af fjöl­skyldu­tengsl­u­m,“ segir Malín við Vísi um hand­tök­una og bætir við: „Allt í einu er mann­orðið bara farið af því að maður bland­að­ist inn í vit­leysu.“