Menntun skiptir minna máli þegar kemur að launum fyrir vinnu á Íslandi en í nokkru öðru Evr­ópu­landi. Þeir sem hafa ein­göngu lokið grunn­menntun hér­lendis voru með 86,3 pró­sent af ráð­stöf­un­ar­tekjum þeirra sem höfðu lokið háskóla­prófi árið 2013. Í næstu sætum á eftir Íslandi eru Sví­þjíoð (80,3 pró­sent), Nor­egur (77 pró­sent) og Hol­land (73,6 pró­sent). Ísland er í 15 sæti yfir ráð­stöf­un­ar­tekjur háskóla­mennt­aðra í Evr­ópu en í fjórða sæti yfir ráð­stöf­un­ar­tekjur þeirra sem ein­göngu hafa lokið grunn­ment­un. Þetta kemur fram í tölum sem Hag­stofan birti í morgun.

Hag­stofan á síðan tölur fyrir Ísland frá því í fyrra. Þar hefur gildi mennt­unar fyrir launa­umslagið dreg­ist enn meira sam­an. Árið 2014 voru þeir sem voru með grunn­menntun með 87,7 pró­sent ráð­stöf­un­ar­tekna háskóla­mennt­aðra. Þetta bil hefur minnkað hratt frá því að lífs­kjara­rann­sókn Hag­stof­unnar var fyrst fram­kvæmd árið 2004, en þá voru ráð­stöf­un­ar­tekjur þeirra sem eru ekki með háskóla­menntun 79,7 pró­sent. Á sama tíma­bili fóru tekjur fólks með fram­halds- eða starfs­menntun úr 84,5 pró­sent af tekjum háskóla­mennt­aðra í 91,6 pró­sent. Munur á ráð­stöf­un­ar­tekjum háskóla­mennt­aðra og ann­arra hópa var nokkuð stöð­ugur til árs­ins 2010 en hefur síðan farið minnk­andi.