Mörg þús­und dauðum fiskum hefur skolað á land í Tianjin í Kína, átta dögum eftir að öfl­ugar spreng­ingar urðu á hafn­ar­svæði borg­ar­inn­ar. Spreng­ing­arnar og eld­hafið sem læsti sig í vörur á hafn­ar­bakk­anum varð að minnsta kosti 114 manns að bana. Fjöl­margra slökkvi­liðs­manna er enn sakn­að.

Fjöl­margir hafa deilt myndum af dauðu fisk­unum á sam­fé­lags­miðl­um. Þeim hefur skolað á land rúmum sex kíló­metrum frá sprengju­svæð­inu, á bakka Hai­he-ár sem rennur í gegnum borg­ina. Frá þessu er greint á vef Time-­tíma­rits­ins.

Íbúar í borg­inni ótt­uð­ust að vatnið hafi meng­ast af eit­ur­efnum í spreng­ing­unum en þar er tíunda stærsta höfn heims og gríð­ar­legt magn vara fer þar um dag hvern. Kín­versk yfir­völd hafa stað­fest að spreng­ing­arnar hafi orðið í vöru­geymslu sem hýsti 40 mis­mun­andi spilli­efni. Þar á meðal voru 700 tonn af blá­sýrusalti (natr­íum­sý­a­níð­i). Það er helst notað til gull­greftrar og getur ein­ungis smá­vægi­legt magn eitrað fyrir mann­eskj­um.

42 vatna­mæl­inga­stöðvar hafa verið settar upp umhverfis hafn­ar­svæðið þar sem spreng­ing­arnar urðu. Þegar hafa ein­hverjar stöðvar merkt blá­sýrusalt í vatn­inu og á einum stað hefur magn eit­urs­ins farið 356 sinnum umfram eðli­legt magn. Hreins­un­ar­starf er þegar hafið og búið að loka af stór svæði frá fólks­um­ferð.

Þó finnst ekk­ert blá­sýrusalt í vatn­inu þar sem fisk­arnir drápust og því er rann­sóknin á því hvers vegna fisk­arnir drápust enn í gangi. Den Xia­owen, stjórn­andi hjá Umhverf­is­eft­ir­lits­stofnun Tianj­in, segir ekki óvana­legt að mikið magn fiska drep­ist á sumr­in. „Þegar hita­stigið hækkar hverfur súr­efnið úr vatn­inu og fisk­arnir drep­ast af súr­efn­is­skort­i,“ sagði hann á blaða­manna­fundi í gær.

I got up close to the massive fish die-off in #Ti­anjin, and now plan to never do anyt­hing like that aga­in. #China pic.twitt­er.com/N1iQWoF­HNp

— Dan Levin (@globald­an) Aug­ust 20, 2015