„Þegar litið er í bak­sýn­is­speg­il­inn má sjá að hag­kerfið hefur áður verið á svpiðum stað og um þessar mund­ir. Á sama tíma og slak­inn í þjóð­ar­bú­inu er að hverfa og umfram eft­ir­spurn mynd­ast eftir aðföngum og vinnu­afli hefur atvinnu­leysi sögu­lega séð gjarnan farið lækk­andi og myndað launa­þrýst­ing á vinnu­mark­að­i,“ segir í nýrri grein­ingu frá grein­ing­ar­deild Arion banka þar sem rýnt er í verð­bólgu­þró­un. Grein­ing­ar­deildin bendir á að árs­breyt­ing launa hafi gjarnan hækkað úr fjórum pró­sentum í tíu pró­sent eða meira. Það sé veru­lega yfir því svig­rúmi sem verð­bólgu­mark­mið Seðla­bank­ans leyfir en mark­miðið er 2,5 pró­sent. „Í kjöl­farið mynd­ast verð­bólgu­þrýst­ingur og árs­verð­bólgan hækkar í sex til níu pró­sent. Velta má fyrir sér hvort sagan sé að end­ur­taka sig að þessu sinn­i,“ segir í pistl­in­um.

Gröf úr verð­bólgu­spá grein­ing­ar­deildar Arion banka. Mynd­irnar sýna hvernig laun og verð­bólga á Íslandi hafa þró­ast á þremur mis­mun­andi tíma­bil­um. Spurt er hvort sama verði upp á ten­ingnum í dag.

Grein­ing­ar­deild bank­ans spáðir 0,3 pró­sent hækkun vísi­tölu neyslu­verðs í júní. Árs­verð­bólga verður þá 1,6 pró­sent, enn undir mark­miði Seðla­bank­ans sem hækk­aði þó í gær stýri­vexti um 0,5 pró­sent­ur. „Við spáum því að verð­bólgan fari hækk­andi næstu mán­uði og stnadi í 2,3 pró­sentum í sept­em­ber og fari yfir 3 pró­sent fyrir árs­lok. Launa­kostn­aður verður helsti drif­kraftur verð­bólg­unnar næstu mán­uði og mun það end­ur­spegl­ast í verð­lagi á inn­lendri þjónsutu og inn­lendum neyslu­vör­um. Einnig mun sterk eft­ir­spurn þrýsta verð­lag upp á við og ef slökum á aðhaldi í rík­is­fjár­málum raun­ger­ist á haust­mán­uðum eru allar líkur á að verð­bólgan haldi áfram að hækka vel inn á næsta ár.“