Banda­ríski afþrey­ing­arris­inn Net­flix á nú í samn­inga­við­ræðum við kín­verskt fjar­skipta­fyr­ir­tæki í von um að kom­ast til lands­ins með þjón­ustu sína. Gríð­ar­legir hags­munir eru í húfi því staf­ræni efn­isveitu­mark­að­ur­inn á net­inu í Kína veltir tæp­lega sex millj­örðum Banda­ríkja­dala árlega. Frétta­mið­ill­inn Bloomberg greinir frá mál­inu.

Net­flix nýtur stuðn­ings Jack Ma, stofn­anda og stjórn­ar­for­manns Ali­baba, sem er stærsta net­fyr­ir­tæki lands­ins, í samn­inga­við­ræð­unum ásamt öðrum vænt­an­legum fjár­fest­um. Aðspurð um teng­ing­una og þreif­ing­arnar við Kína sagði tals­kona Net­flix að fyr­ir­tækið stefni á að ná hnatt­rænni útbreiðslu í lok árs 2016.

Þurfa að lúta rit­stjórn­ar­stefnu kín­verskra stjórn­valda

Spár gera ráð fyrir að eft­ir­spurn í Kína eftir afþrey­inga­efni á net­inu muni allt að því þre­fald­ast til árs­loka 2018. Sam­starf við þar­lent fjar­skipta­fyr­ir­tæki er mik­il­vægt fyrir Net­fl­ix ­vegna strangra skil­yrða kín­verskra stjórn­valda við útgáfu leyfa til efn­isveitna á net­inu. Afþrey­ing­arris­inn leitar því eftir sam­starfs­að­ila sem hafi nú þegar tryggt sér leyfi til að bjóða upp á efni fyrir öll tæki.

Ljóst er að Net­flix mun þurfa að fara eftir strangri rit­skoð­un­ar­stefnu kín­verskra stjórn­valda, nái fyr­ir­tækið fót­festu þar í landi. Þannig þurfa kín­versk stjórn­völd að fara yfir efni afþrey­ing­arrisans, bæði gam­alt og nýtt, áður en það er birt og klippa út það sem þeim þykir óæski­legt að borg­arar sínir berji aug­um. Þetta þýðir auð­vitað að tölu­verður dráttur mun verða á því að nýir þætt­ir, í fram­leiðslu Net­fl­ix, komi fyrir sjónir áskrif­enda efn­isveit­unnar þar sem þeir þurfa áður að vera sam­þykktir til sýn­inga.