Nýsköp­un­ar­fyr­ir­tæki á Norð­ur­lönd­unum hafa frá ára­mótum aflað ­meira fjár­magn heldur en þau gerðu allt síð­asta ár. Þessi fyr­ir­tæki hafa sam­tals fengið um 847,1 milljón doll­ara í fjár­mögn­un, jafn­virði um 111 millj­arða króna. Stærstur hluti fjár­magns­ins hefur farið til sænsku tón­list­ar­veit­unnar Spoti­fy, alls um 350 millj­ónir doll­ara eða um 46 millj­arðar króna. Næst á eftir kemur hið íslenska Verne Global, sem rekur gagna­ver að Ásbrú í Reykja­nes­bæ. Félagið safn­aði í byrjun árs um 13 millj­örðum króna með hluta­fjár­aukn­ingu.

Nor­rænni frétta­mið­ill­inn The Nor­dic Web greinir frá þessu í dag og birtir sam­an­tekt á stærstu fjár­mögn­unum það sem af er ári. Á list­anum eru fjögur sænsk nýsköp­un­ar­fyr­ir­tæki, fjögur dönsk fyr­ir­tæki, eitt norskt og eitt íslenskt.

Listi The Nor­dic Web yfir fjár­mögnun nýsköp­un­ar­fyr­ir­tækja það sem af er ári.

Miklar fjár­fest­ingar á árinu eru til marks um auk­inn á­huga fjár­festa á nor­rænum nýsköp­un­ar­fyr­ir­tækjum í tækni­geir­an­um. Í grein The Nor­dic Web er bent á að jafn­vel þótt litið sé fram­hjá 350 milljón dala fjár­mögnun Spoti­fy, þá er fyrsti helm­ingur árs­ins 2015 mun betri en sama tíma­bil 2014. Með­al­stærð fjár­mögn­unar hefur verið um 6,05 millj­ónir doll­ara í ár, jafn­virði um 800 millj­óna króna, sam­an­borið við 4,67 millj­ónir í fyrra. Alls hafa 83 nor­rænn nýsköp­un­ar­fyr­ir­tæki sótt sér fjár­magn á fyrstu fimm mán­uðum árs­ins 2015.