Vextir á náms­lánum hjá Fram­tíð­inni, nýstofn­uðum náms­lána­sjóði á vegum fjár­mála­fyr­ir­tæk­is­ins Gamma, eru mun hærri en hjá Lána­sjóði íslenskra náms­manna, LÍN. Hjá Fram­tíð­inni er hægt að velja um tvenns­konar lána­form, ýmist óverð­tryggða 8,75% breyti­lega vexti eða verð­tryggða 6,45% vexti. Vextir á lánum LÍN eru 1% verð­tryggð­ir. Náms­menn ættu því fyrst að leita fjár­mögn­unar þar, og eru þeir hvattir til þess á heima­síðu Fram­tíð­ar­innar.

„Vext­irnir á lánum Fram­tíð­ar­innar ráð­ast af kostn­aði við að fjár­magna lán­in. Vext­irnir eru hærri en vextir lána LÍN, það liggur fyr­ir, en ef litið er til ann­ars konar láns­við­skipta þar sem vextir ráð­ast á mark­aði finnst mér þeir vera sann­gjarn­ir, sér­stak­lega í ljósi þess að ekki er kraf­ist ábyrgð­ar­manna né veða,“ segir Hlíf Sturlu­dótt­ir, stjórn­ar­for­maður sjóðs­ins, í skrif­legu svari, spurð um hvað ákvarði lána­kjör hjá Fram­tíð­inni og hvort hún telji vext­ina vera háa. Hlíf svar­aði nokkrum spurn­ingum Kjarn­ans skrif­lega.

Fram­tíðin náms­lána­sjóður tók til starfa í dag. Hámarks­lán sem náms­maður getur tekið hjá sjóð­inum er þrettán millj­ónir og end­ur­greiðslu­tím­inn, sem hefst einu ári eftir að námi lýk­ur, er tólf ár.  Fram kom í til­kynn­ingu frá sjóð­inum að hann verður í fyrstu fjár­magn­aður í gegnum skulda­bréfa­sjóði í stýr­ingu Gamma en stefnt er að því að fjár­magna hann með útgáfu skulda­bréfa.

Fá greitt óháð árangri

Íslenskir náms­menn þekkja vel þau skil­yrði sem þarf að upp­fylla til þess að fá greidd út náms­lán frá LÍN. Sýna þarf fram á náms­ár­angur og eru lánin því greidd eftir að önn lýkur og ein­kunnir liggja fyr­ir. Skil­yrði Fram­tíð­ar­innar eru ekki jafn ströng, en náms­menn eru þó beðnir um að skila inn upp­lýs­ingum um náms­fram­vindu. Þegar sótt er um lán þarf auk þess að skila inn gögnum svo hægt sé að fram­kvæmda greiðslu­mat á umsækj­anda.

„Fram­færsla er greidd út mán­að­ar­lega og upp­hæðir eru ekki tengdar ein­inga­fjölda. Náms­maður sem fær t.d. sam­þykkt lán á haustönn fær lánið greitt út áður en nið­ur­stöður jóla­prófa liggja fyr­ir. Við biðjum náms­menn hins vegar um að skila inn upp­lýs­ingum um náms­fram­vindu áður en við hefjum útgreiðslur á vor­önn, ef sótt var um fyrir árið í heild sinn­i,“ segir Hlíf.

Skapa hvata til að klára námið

Athygli vekur að lána­kjör hjá Fram­tíð­inni eru lak­ari þegar lán­tak­inn er enn í námi, en vext­irnir lækka um eina pró­sentu þegar námi lýk­ur. Hlíf segir þetta gert til þess að skapa hvata. „Við vildum skapa hvata fyrir náms­menn að klára próf­gráðuna með því að lækka vexti við náms­lok. Eftir það tekur við 12 mán­aða greiðslu­hlé þar til end­ur­greiðslur hefj­ast. End­ur­greiðslu­tíma­bil er 12 ár og þá gilda lægri vext­irn­ir,“ segir hún.

Í til­kynn­ingu um stofnun sjóðs­ins í dag sagði að náms­lán Fram­tíð­ar­innar væru í boði fyrir alla náms­menn. „Hér er um við­bót­ar­val­kost að ræða fyrir þá sem þurfa að fjár­magna kostn­að­ar­samt nám, til dæmis erlend­is, eða hafa hug á að mennta sig frekar eftir nokkur ár á vinnu­mark­aði eða með­fram vinn­u,“ sagði í til­kynn­ing­unni. Haft var eftir Hlíf að stofnun sjóð­sns fjölgi mögu­leikum náms­manna til að kosta nám sitt. „Það er til hags­bóta fyrir ein­stak­ling­ana sjálfa að fjár­festa í menntun og um leið sam­fé­lagið allt enda eykst sam­keppn­is­hæfni Íslands með auk­inni mennt­un,“ sagði hún.

Frétt Kjarn­ans um stofnun sjóðs­ins.

Kjarn­inn og Stofnun um fjár­mála­læsi hafa tekið höndum saman og munu fjalla ítar­lega um heim­il­is­fjár­mál sam­hliða þátt­unum Ferð til fjár, sem sýndir verða á RÚV næstu vik­ur. Mark­mið­ið: Að stuðla að betra fjár­mála­læsi hjá lands­mönn­um! Næsti þáttur er á dag­skrá fimmtu­dag­inn 19. febr­ú­ar. Fylgstu með á Face­book-­síðu Ferðar til fjár.