Í bílnum í sjö tíma, Strætó biðst afsök­unar

Stúlkan, sem heitir Ólöf Þor­björg Pét­urs­dótt­ir, er átján ára og þroska­skert.Hennar var leitað í gær­dag og í um kvöldið fannst hún inni í bíl ferða­þjón­ustu fatl­aðra, sem var lagt við heim­ili bíl­stjór­ans. Rúv greindi frá þessu í gær. Lýst var eftir stúlkunni þegar upp­götv­að­ist að hún hafði ekki skilað sér í Hitt húsið eftir hádegið í dag. Björg­un­ar­sveitir leit­uðu að henni og hún kom í leit­irnar heil á húfi um klukkan átta í kvöld. Þá hafði hún vænt­an­lega verið inni í bílnum frá því klukkan eitt í gær, eða um sjö tíma.

Smári Ólafs­son, sviðs­stjóri akst­urs­þjón­ustu hjá Strætó, send­i frá sér til­kynn­ingu í gær­kvöld þar sem hann biður stúlk­una of fjöl­skyldu henn­ar af­sök­un­ar. Í til­kynn­ingu Smára seg­ir:

„Í dag átti sér hörmu­legt atvik þar sem ung stúlka varð eftir í bíl fyr­ir­tæk­is­ins. Við hörmum þetta atvik meira en orð geta lýst og viljum biðja stúlk­una og fjöl­skyldu hennar afsök­un­ar. Málið er nú til rann­sóknar og verður allt gert til að kom­ast til botns í því.

Aftur vil ég taka það fram að okkur starfs­fólki fyr­ir­tæk­is­ins er afar brugðið yfir því að þetta skyldi ger­ast.“

Elsa Lára Arn­ar­dótt­ir, þing­kona Fram­sókn­ar­flokks­ins, hefur auk þess óskað eftir auka­fundi í Vel­ferð­ar­nefnd Alþingis til að ræða þá stöðu sem komin er upp í tengslum við ferða­þjón­ustu fatl­aðra á höf­uð­borg­ar­svæð­inu. Í tölvu­pósti hennar til nefnd­ar­innar seg­ir: „Ég óska eftir því að fá full­trúa úr borg­ar­stjórn Reykja­víkur á fund­inn, aðila frá Þroska­hjálp, Öryrkja­banda­lag­inu og fleiri hlut­að­eig­andi aðil­um. Það er fullt erindi að mínu mati að ræða þá alvar­legu stöðu sem komin er upp“.