Upp­bygg­ing á ferða­manna­stöðum er eitt brýn­asta verk­efnið sem við stöndum frammi fyrir og vand­inn sem við blasir í upp­bygg­ingu inn­viða í ferða­þjón­ustu er marg­þættur og ein­skorð­ast ekki ein­göngu við sal­ern­is­mál. Þetta segir Ragn­heiður Elín Árna­dótt­ir, iðn­að­ar- og við­skipta­ráð­herra, í aðsendri grein í Mark­aðn­um, fylgi­riti Frétta­blaðs­ins, í dag.

„Ljóst er að málið er á ábyrgð margra aðila, rík­is, sveit­ar­fé­laga, land­eig­enda og ferða­þjón­ust­unnar sjálfr­ar. Því er brýnt að allir vinni saman að lausn þess­ara mála. Á und­an­förnum mán­uðum hefur ráðu­neyti mitt í sam­starfi við Sam­tök ferða­þjón­ust­unn­ar, Ferða­mála­stofu og fleiri unnið að lang­tíma stefnu­mótun fyrir grein­ina í heild. Stefnt er að því að ljúka þeirri vinnu og kynna í næsta mán­uð­i,“ skrifar Ragn­heiður Elín. Hún segir að vel hafi verið til vand­að, litið til for­dæma erlendis frá og sam­ráð haft við hags­muna­að­ila og aðra áhuga­sama um land allt.

Vand­inn sem við blasi sé marg­þættur og úrbóta víða þörf til að tryggja vernd nátt­úr­unn­ar, öryggi og nauð­syn­lega inn­viði. „Frum­varpi um nátt­úrupassa var ætlað að leysa heild­stæss þetta marg­þætta við­fangs­efni“ skrifar Ragn­heiður Elín.

Hún segir að rík­is­sjórnin hafi sett meira í mála­flokk­inn en nokkru sinni fyrr hafi verið gert. Fram­kvæmda­sjóður ferða­manna­staða hafi úthlutað tæpum 1.700 millj­ónum á síð­ustu tveimur árum. Þá hafi auknu fjár­magni verið úthlutað sér­stak­lega til að bæa sal­ern­is­að­stöðu víða um land.

„Reyndar er það svo að fleira tefur upp­bygg­ingu en skortur á fjár­magni og má þar nefna skipu­lags­mál og annan und­ir­bún­ing. Sem dæmi má nefna að af þeim 380 millj­ónum sem Fram­kvæmda­sjóð­ur­inn úthlut­aði sér­stak­lega vorið 2014, án mót­fram­lags, liggja tæpar 200 millj­ónir enn óhreyfðar vegna þess að verk­efn­unum er ekki lok­ið.“