„Til að tryggja að íslensk nátt­úra og öflug ferða­þjón­usta geti blómstrað sam­tímis hefur rík­is­stjórnin sam­þykkt að verja í sumar 850 millj­ónum króna til brýnna upp­bygg­ing­ar- og vernd­ar­að­gerða á ferða­manna­stöðum sem eru í eigu eða umsjón rík­is­ins.“ Þetta kemur fram í frétt sem birt­ist á vef atvinnu- og nýsköp­un­ar­ráðu­neyt­is­ins nú rétt í þessu.

Þar kemur fram að ráð­ist verði í 104 verk­efni á 51 stað á land­inu, auk þess sem við­bót­arfé verður varið til auk­innar varð­vöslu um land allt. „Mest verður fram­kvæmt í Skafta­felli og á Þing­völl­um, við Geysi, í Dimmu­borg­um, á mið­há­lend­inu, við Gull­foss, Dyr­hóla­ey, Dynj­anda, Stöng í Þjórs­ár­dal og Detti­foss. Verk­efnin eru af ýmsum toga en meg­in­á­hersla er lögð á fram­kvæmdir vegna göngu­stíga, útsýnis­palla, bíla­stæða og sal­ern­is­að­stöð­u,“ segir í frétt ráðu­neyt­is­ins.

Ítar­legt yfir­lit yfir fyr­ir­hug­aðar fram­kvæmdir má nálg­ast hér.

Fram­kvæmda­á­ætl­un­in, sem gildir fyrir yfir­stand­andi ár, var unnin í sam­starfi við for­sæt­is­ráð­herra, iðn­að­ar- og við­skipta­ráð­herra og umhverf­is- og auð­linda­ráð­herra. „Kallað var eftir til­lögum þeirra stofn­ana sem hafa umsjón með umræddum svæðum og í kjöl­farið var verk­efnum for­gangs­raðað í sam­ræmi við fag­legt mat á því hver þörfin væri. Fjár­magnið mun renna til Fram­kvæmda­sjóðs ferða­manna­staða sem mun ann­ast umsýslu og eft­ir­lit með verk­efna­á­ætl­un­inn­i.“

Hæstu upp­hæð­inni, eða 160 millj­ónum króna, verður varið til upp­bygg­ingar og við­halds í Skafta­felli. Þing­vellir fá hátt í 157 millj­ónir króna, 34 millj­ónir munu renna til verk­efna við Gull­foss, svæðið við Dynj­anda fær úthlutað 34,5 millj­ónum króna, Dyr­hólaey fær 31 millj­ón, Dimmu­borgir 38,5 millj­ónir og Geysir í Hauka­dal fær 50 millj­ónir króna, svo eitt­hvað sé nefnt.

Unnið að heild­ar­stefnu­mótun í mála­flokknum

Þá segir í frétt­inni á vef atvinnu- og nýsköp­un­ar­ráðu­neyt­is­ins að ráð­ist verði í frek­ari umbætur á vin­sælum ferða­manna­stöðum í eigu og umsjón rík­is­ins, með það að mark­miði að bæta þar skipu­lag og aðgengi þannig að stað­irnir þoli þann ferða­manna­fjölda sem þangað sækja. Und­ir­bún­ingur að því verk­efni er haf­inn, sam­kvæmt áður­nefndri frétt.

„Einnig er hafin vinna á vegum iðn­að­ar- og við­skipta­ráð­herra við heild­ar­stefnu­mótun um ferða­þjón­ustu í land­inu og er þar horft til fjöl­margra þátta. Einnig verður unn­in lands­á­ætlun um upp­bygg­ingu inn­viða fyrir ferða­menn, í sam­ræmi við frum­varp umhverf­is- og auð­linda­ráð­herra sem nú liggur fyrir Alþingi, en þar er gert ráð fyrir víð­tæku sam­starfi stjórn­valda og hags­muna­að­ila.“